قازاقستان رەسپۋبليكاسىنداعى اۋىل شارۋاشىلىعى قىزمەتكەرلەرى كۇنىنىڭ قارساڭىندا ءوڭىردىڭ اگرارلىق سالا وكىلدەرىنىڭ سالتاناتتى جيىنى ءوتىپ, ۇزدىكتەر ماراپاتتالدى, دەپ حابارلايدى قازاقپارات.
شارا اياسىندا اگرارلىق سەكتوردىڭ 62 وزاتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەدومستۆولىق «ەڭبەك ارداگەرى» مەدالدارىمەن جانە «اۋىل شارۋاشىلىعىنىڭ ۇزدىگى» توسبەلگىلەرىمەن, شىعىس قازاقستان وبلىسى اكىمىنىڭ گراموتالارىمەن جانە ديپلومدارىمەن ماراپاتتالدى.
سالتاناتتى شاراعا ايماقتىڭ اگروونەركاسىپ كەشەنىنىڭ قىزمەتكەرلەرى مەن ارداگەرلەرى, اگرارلىق سەكتوردىڭ وزاتتارى قاتىستى. جينالعان جۇرتتى ءوڭىر باسشىسى دانيال احمەتوۆ قۇتتىقتادى.
- كاسىبي مەرەكەلەرىڭىزدىڭ قارساڭىندا سىزدەردىڭ اتقارىپ جۇرگەن جاۋاپتى جۇمىستارىڭىز ءۇشىن زور العىسىمدى بىلدىرەمىن. بيىلعى مەرەيتويلى جىلدى وبلىستىڭ اگرارلىق سالاسىنىڭ قىزمەتكەرلەرى جاقسى ناتيجەمەن اياقتاۋدا. سىزدەر 1 ميلليون توننادان استام ءداندى داقىل جيناپ, 800 مىڭ توننا ءسۇت جانە 250 مىڭ توننا ەت الدىڭىزدار. وتكەن جىلمەن سالىستىرعاندا تاماق ونەركاسىبىندە ونىمدىلىك ارتىپ, ءوندىرىس كولەمى 2 ملرد. تەڭگەگە دەيىن ءوستى, - دەدى ءوز سوزىندە شقو اكىمى.
اتاپ وتەر بولساق, وبلىستىڭ وڭىرلىك جالپى ءونىمىنىڭ 12 پايىزى اۋىل شارۋاشىلىعىنا تيەسىلى. بۇگىنگى كۇنى ايماقتا 16,6 مىڭنان استام اگروقۇرىلىمدار جۇمىس ىستەيدى. 2016 جىلى وبلىستىڭ اۋىل شارۋاشىلىعىنىڭ نەگىزگى كاپيتالىنا 170 ملرد. تەڭگەگە جۋىق كولەمدە ينۆەستيتسيا سالىنعان.
[caption id="attachment_75284" align="alignnone" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]