391 قىزىلوردالىق ستۋدەنت رەسەيدىڭ الدىڭعى قاتارلى وقۋ ورىندارىندا ءبىلىم الۋدا. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ VIII «بايقوڭىر ينۆەست» فورۋمىنىڭ پلەنارلىق وتىرىسىندا باياندادى.
"جاڭا ءداۋىر كەلە جاتىر. كوز الدىمىزدا زور مۇمكىندىكتەرى مەن تاۋەكەلدەرى بار جاھاندىق شىندىق پايدا بولۋدا. ءدال قازىر الەم ءتورتىنشى ونەركاسىپتىك رەۆوليۋتسيانى باستان كەشىرۋدە. جاڭا يندۋستريالىق رەۆوليۋتسيا تەحنولوگيانىڭ بىرىگۋىمەن, ساندىق, وندىرىستىك, بيولوگيالىق سالالار اراسىنداعى شەكارانىڭ وشىرىلۋىمەن سيپاتتالادى. ول قۇرىلعان تەحنولوگيالىق جانە وندىرىستىك تىزبەكتەردى رەفورمالايدى. روبوتتار جانە جاساندى ينتەللەكتتەر بارلىق سالاعا ەنىپ جاتىر.
وسىعان بايلانىستى ءبىز ءبىلىم بەرۋ مەن كادرلار دايارلاۋ جۇيەسىن قايتا قۇرىپ وتىرمىز. قىزىلوردا وبلىسىندا اتالمىش سالانى قارجىلاندىرۋ سوڭعى 4 جىلدا ەكى ەسەگە ارتتى. بۇدان بولەك, ايماقتاعى سۇرانىسقا يە ماماندار قاتارىن تولىقتىرۋ ءۇشىن جىل سايىن رەسەيدىڭ الدىڭعى قاتارلى جوعارعى وقۋ ورىندارىنا ءبىتىرۋشى تۇلەكتەر ءبىلىم الادى. رەسەيدىڭ الدىڭعى قاتارلى جوعارعى وقۋ ورىندارىندا وبلىستان 391 ستۋدەنت وقىپ جاتىر,- دەدى وبلىس اكىمى.