2007
* 1 قاڭتاردا ەلباسى نۇرسۇلتان نازارباەۆتىڭ قازاقستان حالقىن جاڭاجىلدىق قۇتتىقتاۋى «ەگەمەن قازاقستان» گازەتىندە جارىق كوردى. قۇتتىقتاۋدا: «وتكەن جىلى ەلىمىزدە كوپتەگەن مەكتەپ, اۋرۋحانا, مادەنيەت ۇيلەرى مەن باسقا دا الەۋمەتتىك نىساندار سالىندى. وسى ءۇردىس جالعاسىن تاباتىن بولادى. ەل مادەنيەتىن وركەندەتۋگە, قازاق ءتىلىنىڭ دارەجەسىن كوتەرۋگە ناقتى قادامدار جاسالدى. مەنىڭ رەسەي, اقش, ەۋرووداق, قىتاي ساپارلارىندا بولعانىم ەلىمىزدىڭ دۇنيە جۇزىندەگى مەرەيىن ۇستەم ەتە ءتۇستى», دەپ جازىلدى.
* 11 قاڭتاردا ەلباسى نۇرسۇلتان نازارباەۆ «قازاقستان رەسپۋبليكاسىنىڭ ليتسەنزيالاۋ تۋرالى» زاڭىنا قول قويدى.
* 13 قاڭتاردا پرەزيدەنت نۇرسۇلتان نازارباەۆ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن جاڭعىرتۋ جونىندەگى شارالار تۋرالى» جارلىققا قول قويدى.
* 29 قاڭتاردا قازاقستان پرەزيدەنتى ن.ءا.نازارباەۆ گەرمانيا فەدەراتيۆتىك رەسپۋبليكاسىنا ءۇش كۇندىك رەسمي ساپارمەن باردى. ساپار بارىسىندا ەلباسى گفر كانتسلەرى انگەلا مەركەلمەن, بۋندەستاگ توراعاسى نوربەرت لاممەرتپەن, گفر فەدەرالدىق پرەزيدەنتى حورت كەللەرمەن, گفر ەكس-كانتسلەرى گەرحارد شرەدەرمەن, ەكس-پرەزيدەنتى ريحارد فون ۆايتسزەكەرمەن, گەرمانيانىڭ قوعامدىق-ساياسي جانە ىسكەر توپتارى وكىلدەرىمەن كەزدەستى.
پرەزيدەنت ن.نازارباەۆتىڭ ا.مەركەلمەن كەزدەسۋى كەزىندە ەكىجاقتى ساياسي, ساۋدا-ەكونوميكالىق, مادەني-گۋمانيتارلىق ىنتىماقتاستىقتى نىعايتۋدىڭ كەڭ اۋقىمدى ماسەلەلەرى تالقىلاندى. ساپار اياسىندا بەرليندە نۇرسۇلتان نازارباەۆتىڭ نەمىس تىلىندەگى «ەۋرازيا جۇرەگىندە» كىتابىنىڭ تانىستىرىلىمى بولىپ ءوتىپ, وعان گەرمانيانىڭ قوعامدىق-ساياسي توپتار وكىلدەرى, گفر-دا «بولاشاق» باعدارلاماسى بويىنشا وقىپ جۇرگەن قازاقستاندىق ستۋدەنتتەر مەن قازاقستان-گەرمان قوعامىنىڭ مۇشەلەرى قاتىستى.
* 13 اقپاندا پرەزيدەنت ن.ءا.نازارباەۆ استاناداعى بەيبىتشىلىك جانە كەلىسىم سارايىندا ءۇش جىلعا ارنالعان «مادەني مۇرا» مەملەكەتتىك باعدارلاماسىن ىسكە اسىرۋ جونىندەگى قوعامدىق كەڭەستىڭ قورىتىندى وتىرىسىنا قاتىسىپ, بايانداما جاسادى. «مادەني مۇرا» مەملەكەتتىك باعدارلاماسىنىڭ يدەياسى اۋەل
باستا ۇزاق مەرزىمدىك ۇلكەن جوبا رەتىندە كوزدەلگەندىكتەن, وتكەن ءۇش جىلعا ارنالعان باعدارلامانى وسى جوبانىڭ ءبىرىنشى كەزەڭى دەپ قاراي وتىرىپ, قولعا الىنعان كوپتەگەن اۋقىمدى شارالاردى ءارى قاراي جالعاستىرۋ قاجەت. ويتكەنى, وسىنىڭ ءبارى ۇلكەن ءىستىڭ باستاماسى عانا. الدا اتقارىلار شارۋالار شاش ەتەكتەن ەكەنىن وزدەرىڭىز دە جاقسى بىلەسىزدەر. وسىعان بايلانىستى باستاعان ءىسىمىزدى جۇيەلى جالعاستىرۋ ماقساتىندا مادەنيەت جانە اقپارات مينيسترلىگىنە تيىسىنشە 2007-2009 جىلدارعا ارنالعان سالالىق باعدارلاما جاساپ, جۇزەگە اسىرۋدى تاپسىرامىن», – دەدى قازاقستان پرەزيدەنتى.
* 6 ناۋرىزدا ەلباسى نۇرسۇلتان نازارباەۆ قازاقستانعا جۇمىس ساپارىمەن كەلگەن گرۋزيا پرەزيدەنتى ميحايل سااكاشۆيليمەن كەزدەستى. كەزدەسۋدە ەكى ەل اراسىنداعى ىنتىماقتاستىقتىڭ جاندانىپ كەلە جاتقانى اتاپ ءوتىلدى.
* 10 ناۋرىزدا پرەزيدەنت نۇرسۇلتان نازارباەۆ رەسمي ساپارمەن كاتار مەملەكەتىنە باردى. ەلباسىنىڭ بۇل ساپارى وسىعان دەيىن قول جەتكىزىلگەن ەكىجاقتى ساۋدا-ەكونوميكالىق, ءبىلىم-عىلىم ءماسەلەلەرىندەگى ىنتىماقتاستىقتى ودان ءارى جانداندىرۋعا باعىتتالدى. جىلى شىرايلى كەزدەسۋلەر كەزىندە نۇرسۇلتان نازارباەۆ كاتار مەملەكەتىنىڭ ءامىرى شەيح حاماد بەن حاليفا ءال-ءتانيدى ەلىمىزدىڭ ءبىرىنشى دارەجەلى «دوستىق» وردەنىمەن ماراپاتتادى.
* 11 ناۋرىزدا ەلباسى نۇرسۇلتان نازارباەۆتىڭ مىسىر اراب رەسپۋبليكاسىنىڭ پرەزيدەنتى حوسني مۇباراكتىڭ شاقىرتۋىمەن وسى ەلگە ساپارمەن باردى. ەلباسى ساپارى بارىسىندا ءابۋ-سيمبەل قالاسىندا تاريحي ەسكەرتكiشتەرمەن, پەرعاۋىندار زامانىنان قالعان مۇرامەن تانىستى. ال كايردە ەگيپەت رەسپۋبليكاسىنىڭ پرەزيدەنتi حوسني مۇباراكپەن كەزدەستi. كەزدەسۋدە نۇرسۇلتان نازارباەۆ قازاقستاننىڭ بۇل ەلگە بيدايدان بولەك, مەتالل, حيميا, مۇناي ونەركاسiبiنiڭ ونiمدەرiن ەكسپورتتاۋعا دايىن ەكەندiگiن جەتكiزدi. كايردە پرەزيدەنت يسلام تەولوگيالىق ورتالىعىنا بارىپ, تاريحي ورىنداردى ارالادى. اسiرەسە, سۇلتان بەيبارىستىڭ مەشiتiنە كوڭiل اۋداردى. نۇرسۇلتان نازارباەۆ وسى جولى اراب مەملەكەتتەرi ليگاسىنىڭ باس حاتشىسى ءامىر مۇسامەن كەزدەستi.
* 18 ناۋرىزدا پرەزيدەنت نۇرسۇلتان نازارباەۆ جۇمىس بابىنداعى ساپارمەن رەسەي فەدەراتسياسىنا كەلدى. كرەملدە ەكى ەلدىڭ باسشىلارى نۇرسۇلتان نازارباەۆ پەن ۆلاديمير پۋتين كەزدەستى. پرەزيدەنتتەر كەزدەسۋ بارىسىنداعى اڭگىمەدە قازاقستان مەن رەسەي مۇشە بولىپ تابىلاتىن تمد, ەۋرازەق, شانحاي ىنتىماقتاستىق ۇيىمى, ۇجىمدىق قاۋىپسىزدىك شارتى ۇيىمى اراسىندا ءىس-قيمىلدى تەرەڭدەتۋ جونىندە پىكىر الماستى.
* 27 ناۋرىزدا ەلىمىزگە پولشا رەسپۋبليكاسىنىڭ پرەزيدەنتى لەح كاچىنسكي رەسمي ساپارمەن كەلدى. ەلباسى نۇرسۇلتان نازارباەۆ پەن لەح كاچىنسكيدىڭ كەزدەسۋى ناتيجەسىندە بىرلەسكەن مالىمدەمە قابىلداندى جانە ەكىجاقتى 4 قۇجاتقا قول قويىلدى.
* 11 ساۋىردە ەلباسى نۇرسۇلتان نازارباەۆ ەقىۇ-نىڭ توراعاسى – يسپانيا كورولدىگىنىڭ سىرتقى ىستەر ءمينيسترى ميگەل انحەل موراتينوستى قابىلدادى.
* 19 ساۋىردە الماتىدا التىنشى رەت وتكىزىلگەن ەۋرازيالىق مەديا-فورۋم ءوز جۇمىسىن باستادى. فورۋمنىڭ اشىلۋىنا ەلباسى نۇرسۇلتان نازارباەۆ قاتىسىپ, ءسوز سويلەدى.
* 26 ساۋىردە قازاقستان پرەزيدەنتى نۇرسۇلتان نازارباەۆ قىرعىزستاندا رەسمي ساپارمەن بولدى. ەكى ەل پرەزيدەنتتەرىنىڭ كەزدەسۋى ناتيجەسىندە بىرلەسكەن مالىمدەمەگە قول قويىلدى. مالىمدەمەدە تاراپتاردىڭ بۇكىل قارىم-قاتىناسىنىڭ سيپاتى, تەرەڭ مازمۇنى كورىنىس تاپتى.
* 10 مامىردا رەسەي فەدەراتسياسىنىڭ پرەزيدەنتى ۆلاديمير پۋتين رەسمي ساپارمەن ەلىمىزگە كەلدى. قازاقستان مەن رەسەي باسشىلارى شاعىن جانە كەڭەيتىلگەن قۇرامدا كەزدەسۋلەر وتكىزدى. سونىڭ بارىسىندا عارىشتى بىرلەسە يگەرۋ, وتىن-ەنەرگەتيكا كەشەنى, يادرولىق ەنەرگەتيكا, كولىك سالالارىندا ەكى ەلدىڭ ءوزارا ەكىجاقتى ءىس-قيمىلى جانە ىنتىماقتاستىعى ماسەلەلەرى تالقىلاندى. كەزدەسۋ قورىتىندىسىندا اسا ماڭىزدى بىرنەشە قۇجاتقا قول قويىلدى. بۇل تۋرالى «ەگەمەن قازاقستان» گازەتىنىڭ 11 مامىر كۇنگى نومىرىندە «قازاقستان-رەسەي: ارىپتەستىك ستراتەگياسى ايقىندالدى» تاقىرىبىمەن ماقالا جاريالاندى.
* 12 مامىردا تۇرىكمەنستاننىڭ تۇرىكمەنباشى قالاسىندا قازاقستان, رەسەي جانە تۇرىكمەنستان ەلدەرى باسشىلارىنىڭ ۇشجاقتى ءسامميتى ءوتتى. سامميت جۇمىسى گاز تاسىمالىنا بايلانىستى بولدى. باسقوسۋ بارىسىندا ەلباسى نۇرسۇلتان نازارباەۆ پەن تۇرىكمەنستان پرەزيدەنتى گۋربانگۋلى بەردىمۇحاممەدوۆ ەكىجاقتى كەزدەسۋ وتكىزدى.