كوشە تازالايتىن تەحنيكاعا قارىق بولدى

ەل تاۋەلسىزدىگىنىڭ 25 جىلدىق تويى قارساڭىندا كەنشىلەر استاناسى كوشە تازالايتىن تەح­ني­كاعا قارىق بولدى. وبلىس اكىمى نۇرمۇحامبەت ابدىبەكوۆ كوم­مۋنالدىق قىزمەتشىلەرگە جالپى قۇنى 1 ملرد تەڭگە بولاتىن تەحنيكا تۇرلەرىنىڭ كىلتىن سالتاناتتى جاعدايدا تابىس ەتتى. بۇل مامانداندىرىلعان ارنايى تەحنيكانىڭ بارلىعى 2020 جىلعا دەيىن ايماقتاردى دامىتۋعا ار­نالعان باعدارلاما اياسىندا وب­لىس­تىق بيۋدجەتتەن بولىنگەن قار­جىعا ساتىپ الىنعان. «قاراعاندى – الىپ قالا. وب­لىس ورتالىعىندا 250 كوشە بار, بۇعان 200-دەن اساتىن ءارتۇرلى وتپە جولدارىن قوسىڭىز. سانيتارلىق تازالاۋدى تالاپ ەتەتىن الاڭنىڭ جالپى اۋماعى شامامەن بەس ميلليون شارشى مەتردى قامتيدى. ارينە, وسىنداي اۋماقتى تازالاپ, تارتىپتە ۇستاپ وتىرۋ وڭاي شارۋا ەمەس. الداعى ۋاقىتتا وسى تەحنيكا قالانىڭ قاجەتتىلىگىن وتەيدى دەگەن ويدامىن. ايتا كەتەرلىگى, ساتىپ الىنعان تەحنيكالار اراسىندا وتاندىق ءونىم دە بار», دەپ اتاپ ءوتتى ءوڭىر باسشىسى. جاڭادان الىنعان تەحنيكا تۇرلەرى, اتاپ ايتقاندا جۇك تيە­گىشتەر, ارىق تازالاعىش ماشينالار, جولاۋشىلار اۆتوبۋستارى, امبەباپ تراكتورلار, جول تازالاۋشى, جۇكتى ءوزى اۋداراتىن ماشينالار مەن ۆاكۋمدى شاڭسورعىشتار, اۆتوگرەيدەرلەر كوممۋنالدىق قىزمەتكەرلەردىڭ جۇمىسىن ايتارلىقتاي جەڭىل­دەپ, قالا كوشەلەرىنىڭ مۇن­تازداي تازا بولۋىنا سۇبەلى ۇلەس قوسارى ءسوزسىز. قايرات ءابىلدينوۆ, «ەگەمەن قازاقستان» قاراعاندى