ەلىمىزدە رۋحاني ءبىلىم بەرۋ جۇيەسى جاڭا باعىتتا, ياعني مەملەكەتتىك باعدارلاما اياسىندا جۇزەگە اسادى. قازىر ساۋاتتى ءدىنتانۋشى مامان دايىنداۋ ماڭىزدى ماسەلە. سوندىقتان قازاقستانداعى ءدىني قىزمەتكەرلەردى وقىتۋمەن اينالىساتىن توعىز مەدرەسەنىڭ ۇشەۋىنە كوللەدج مارتەبەسى بەرىلدى, دەپ حابارلايدى 24.kz.
بۇل تۋرالى بۇگىن «زايىرلىلىق - قازاقستاندىق قوعام تۇراقتىلىعىنىڭ نەگىزى» اتتى رەسپۋبليكالىق ءدىنتانۋشىلاردىڭ التىنشى فورۋمىندا ءدىن ىستەرى كوميتەتىنىڭ توراعاسى عالىم شويكين ءمالىم ەتتى.
كوللەدج دەڭگەيىنە يە بولعان ءدىني وقۋ ورىندارى مەملەكەتتىك باعدارلاما بويىنشا ءداستۇرلى ءدىني باعىتتا ءبىلىم بەرەدى. ورتا ءبىلىم بەرۋ مەكەمەلەرىنىڭ تالابىنا ساي بولۋ ءۇشىن عىلىمي باعىتتا دا ساباقتار جۇرەدى. بۇل ەلىمىزدە بىلىكتىلىگى جوعارى ءدىنتانۋشى ماماندار تاربيەلەۋگە جول اشادى. زايىرلى قوعامداعى ءدىني ەكسترەميزم مەن تەرروريزمنىڭ الدىن-الۋدا مەملەكەت پەن ءدىن ءبىر مۇددەگە جۇمىس ىستەۋ كەرەك دەيدى سالا ماماندارى.
"ول زايىرلىلىق قاتىپ قالعان قاعيداتتار ەمەس. مەملەكەت ءدىننىڭ اراسىنا ارالاسپايدى, ءدىن مەملەكەتتىڭ اراسىنا ارالاسپايدى. بىراق ءبىر كەزدە سىرتقى, ىشكى فاكتورلارعا بايلانىستى مەملەكەت تىكەلەي دىنگە قامقورشى ءرولىن اتقارادى. ءبىر ۋاقىتتاردا قورعانىس ماسەلەسىمەن اينالىسادى. ءبىر كەزەڭدەردە وعان جاردەم دە جاسايدى" - دەيدى فيلوسوفيا عىلىمدارىنىڭ دوكتورى ايدار ءابۋوۆ.