«بۇلاق كورسەڭ كوزىن اش» دەگەن قازاقى دانالىقتى بەرىك ۇستانعان جەتىسۋلىق عالىمدار تالدىقورعاندا حالىقارالىق عىلىمي-تاجىريبەلىك كونفەرەنتسيا وتكىزدى. مەملەكەتتىك ساياساتقا ساي وركەنيەتكە ۇمتىلۋ بارىسىندا بۇل جولى تۇركيا, رەسەي, ۋكراينا, بولگاريا مەملەكەتتەرىنەن كەلگەن وقىمىستىلارمەن تاجىريبە الماستى. ءسويتىپ, «زاماناۋي سىن-تەگەۋرىندەر مەن قوعامنىڭ جاھاندانۋ جاعدايىندا قازاقستانداعى ءبىلىم مەن عىلىمنىڭ يننوۆاتسيالىق الەۋەتى» تاقىرىبىندا حالىقارالىق عىلىمي-تاجىريبەلىك كونفەرەنتسيا ءوز جۇمىسىن باستادى.
پلەنارلىق ءماجىلىستى ءى.ءجانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى, گەوگرافيا عىلىمدارىنىڭ دوكتورى, پروفەسسور قۋات بايمىرزاەۆ اشىپ, جۇرگىزىپ وتىردى. ول حالىقارالىق كونفەرەنتسيانىڭ ماقساتى مەن مىندەتىنە توقتالىپ, ماڭىزدىلىعىن اتاپ ءوتتى.
كونفەرەنتسيا جۇمىسىنا شەتەلدىك عالىمدار جانە ەلىمىزگە تانىمال عىلىم دوكتورلارى مەن پروفەسسورلار, ۋنيۆەرسيتەتتىڭ وقىتۋشى-پروفەسسورلارى مەن ستۋدەنتتەرى, بارلىعى 250 ادام قاتىستى. كونفەرەنتسيا ماقساتى – عىلىم مەن يننوۆاتسيانىڭ بىرقاتار تەوريالىق ءجانە پراكتيكالىق قيىندىقتارىن جانە ءبىلىم بەرۋ, ەكونوميكا, اقپاراتتىق تەحنولوگيا, قوعامدىق, الەۋمەتتىك, تەحنيكالىق عىلىمدار دامۋىنىڭ وزەكتى ماسەلەلەرىن تالقىلاۋ بولدى. البەتتە, قازاقستانداعى ءبىلىم مەن عىلىمنىڭ يننوۆاتسيالىق الەۋەتىن ارتتىرۋعا وزىندىك ۇلەس قوسۋ ەكەنى تاعى انىق.
پلەنارلىق ماجىلىستە رەسەيدىڭ ك.د.ۋشينسكي اتىنداعى ياروسلاۆل مەملەكەتتىك پەداگوگيكالىق ۋنيۆەرسيتەتىنىڭ دوتسەنتى, پسيحولوگيا عىلىمدارىنىڭ كانديداتى ولگا بەلياەۆا: «مەكتەپ بىتىرۋشىلەردىڭ كاسىبي ماماندىقتى انىقتاۋ كەزەڭىندە وقۋ-تاربيە پروتسەسى سۋبەكتىلەرىنىڭ ءوزارا ارەكەتى», ءتۇركيا رەسپۋبليكاسى گازي ۋنيۆەرسيتەتى پەداگوگيكالىق ءبىلىمدەر فاكۋلتەتىنىڭ PhD دوكتورى مەحمەت اكيف سوزەر: «وقىتۋدىڭ جاڭا تاسىلدەرى», ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى, پەداگوگيكا عىلىمدارىنىڭ دوكتورى وراز ساتىبالديەۆ: «تەحنيكالىق جوعارى وقۋ ورنى ستۋدەنتتەرىنە ماتەماتيكالىق ءپاندەردى وقىتۋدىڭ جاڭا مودەلى» تاقىرىپتارىنداعى باياندامالارىن وقىدى. تۇركيا, رەسەي جانە قازاقستاننىڭ جەتەكشى جوعارى وقۋ ورىندارىنان كەلگەن عالىمداردىڭ باياندامالارى وزەكتىلىگىمەن ەرەكشەلەنىپ, كون-
فەرەنتسياعا قاتىسۋشىلار تاراپىنان قىزىعۋشىلىق تۋدىردى. بايانداماشىلارعا ءبىلىم بەرۋ, ەكونوميكا, اقپاراتتىق تەحنولوگيا, قوعامدىق, الەۋمەتتىك جانە تەحنيكالىق, جاراتىلىستانۋ عىلىمدارىنىڭ دامۋى جايلى كوپتەگەن سۇراقتار قويىلىپ, پىكىرلەر ايتىلدى.
كونفەرەنتسيا جۇمىسىنا 230 ادام عىلىمي ماقالالارىن ۇسىندى. ونىڭ ىشىندە بولگاريا, ءتۇركيا, رەسەي, ۋكراينا ەلدەرى جوعارى وقۋ ورىندارىنان 36 ماقالا, ەلىمىزدەگى جوعارى وقۋ ورىندارىنان 18 ماقالا, مەكتەپتەر مەن كوللەدجدەردەن 35 ماقالا, ال ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ وقىتۋشى-پروفەسسورلار قۇرامى, ستۋدەنتتەر, ماگيسترانتتار مەن دوكتورانتتارى 140 ماقالا ۇسىندى.
كونفەرەنتسيا ەكى كۇنگە سوزىلدى. پلەنارلىق ماجىلىستەن كەيىن: «ءبىلىم بەرۋ مەن قولدانبالى زەرتتەۋلەردەگى جاڭا اقپاراتتىق-ماتەماتيكالىق جانە جاراتىلىستانۋ-عىلىمي تەحنولوگيالار», «قازاقستاندىق ءجانە الەمدىك ەكونوميكانىڭ وزەكتى ماسەلەلەرى», «جاھاندانۋ جاعدايىنداعى گۋمانيتارلىق ءبىلىمدەردىڭ وزەكتى ماسەلەلەرى», «جوعارى وقۋ ورنىنان كەيىنگى ءبىلىم بەرۋدە مامانداردى قايتا دايارلاۋ جانە بىلىكتىلىگىن ارتتىرۋ», «ىرگەلى جانە قولدانبالى عىلىمي زەرتتەۋلەردىڭ يننوۆاتسياسى مەن دامۋى» بويىنشا 5 سەكتسيا جۇمىس ىستەدى. كونفەرەنتسيانىڭ ەكىنشى كۇنىندە ءىس-شارا قورىتىندىلانىپ زاماناۋي سىن-تەگەۋرىندەر مەن قوعامنىڭ جاھاندانۋ جاعدايىندا قازاقستانداعى ءبىلىم مەن عىلىمنىڭ يننوۆاتسيالىق الەۋەتىن ارتتىرۋ بويىنشا ناقتى ۇسىنىمدار جاسالادى. قورىتا ايتقاندا, وسىعان دەيىن بۇيىعىلىق تانىتقان ۋنيۆەرسيتەت عالىمدارى مەن ستۋدەنتتەرى بۇل كۇنى تىڭ قادامدار جاساۋعا ۇمتىلعانى قۋانتتى. شەتەلدىك عالىمدارمەن ءوزارا پىكىر الماسىپ, وي بولىسكەن جاس عالىمدار قادامى تىڭ سەرپىلىس تۋدىردى.
نۇربول الدىباەۆ,
«ەگەمەن قازاقستان»
تالدىقورعان