رۋسلان كۇلەكباەۆقا قاتىستى ءولىم جازاسىن تاعايىنداۋ ۇكىمى موراتوريگە بايلانىستى ورىندالماۋى مۇمكىن.
«بۇگىن كۇلەكباەۆقا قاتىستى سوت ۇكىمى شىقتى. سوت ايىپتاۋ تاراپىنىڭ ەڭ جوعارعى جازا تاعايىنداۋ تۋرالى ۇستانىمىن تولىعىمەن قولدادى. بۇگىنگى تاڭدا قازاقستاندا ءولىم جازاسىن ورىنداۋعا موراتوري جاريالانعان. وسىعان بايلانىستى اتالعان جازا ورىندالماۋى مۇمكىن. موراتوري مەرزىمى شەكسىز, بىراق ول كەز كەلگەن ۋاقىتتا توقتاتىلۋى مۇمكىن. وسى ماسەلە ناقتى شەشىلگەنگە دەيىن كۇلەكباەۆ تۇرمەدە جازاسىن وتەي بەرەدى», - دەدى بوستاندىق اۋدانى پروكۋرورىنىڭ ورىنباسارى باۋىرجان ەرتاەۆ.