حالىقارالىق وليمپيادا كوميتەتى 2008 جىلعى وليمپيادا ويىندارىنىڭ دوپينگ سىنامالارىن قايتا تەكسەرگەننەن كەيىن توعىز سپورتشىنىڭ جەتىستىگىن جوققا شىعاردى. بۇل تۋرالى قوك ءباسپاسوز قىزمەتى حابارلادى.
سپورتشىلاردىڭ جاڭا تىزىمىندە ەركىن كۇرەستەن 84-96 سالماق دارەجەسىندە كۇمىس جۇلدەگەر قازاقستان سپورتشىسى تايمۋراز تيگيەۆ تە بار.
حوك-تىڭ تارتىپتىك كوميسسياسىنىڭ قۇرامىنا دەنيس وسۆالد (توراعا), گۋنيللا ليندبەرگ مەن ۋگۋر ەردەنەر كىردى. كوميسسيا قازاقستاننىڭ ۇلتتىق وليمپيادا كوميتەتىنە قولا جۇلدەنى, ديپلومدى جانە وليمپيادا سپورتشىسىنىڭ ءتوس بەلگىسىن قايتارىپ بەرۋىن قامتاماسىز ەتۋ جونىندەگى شەشىم شىعاردى.
تىزىمدە بەس مەدال يەگەرى اتاپ كورسەتىلگەن. ولار: رەسەيلىك جەلاياق ەكاتەرينا ۆولكوۆا (قولا مەدال), وزبەكستاننان ەركىن كۇرەستەن سوسلان تيگيەۆ (كۇمىس مەدال), ۋكراينا اۋىر اتلەتشىسى ولگا كوربكا (كۇمىس جۇلدە), بەلارۋس سپورتشىلارى اناستاسيا نوۆيكوۆا (قولا) مەن اندرەي رىباكوۆلار (كۇمىس).
جالپى العاندا حوك-تىڭ ەكى مارتە تەكسەرۋ قورىتىندىسى بويىنشا 2008-2012 جىلعى وليمپياداعا قاتىسقان 98 سپورتشىنىڭ سىناماسىنان تىيىم سالىنعان زاتتار تابىلدى. سونىڭ ىشىندە ەكىنشى مارتە تەكسەرۋ كەزىندە 23 جۇلدەگەردىڭ تەستى قورىتىندىسى بويىنشا ناتيجە تازا بولماي شىقتى.