ازاماتتىق فورۋم 2016 جىلعى 26 قاراشادا وتەدى. فورۋمعا قر پرەزيدەنتى اكىمشىلىگىنىڭ باسشىلىعى, قر پارلامەنتى دەپۋتاتتارى, قر ورتالىق جانە جەرگىلىكتى اتقارۋشى ورگان وكىلدەرى, وڭىرلىك جانە رەسپۋبليكالىق ۇەۇ, حالىقارالىق ۇيىمدار وكىلدەرى, ديپلوماتيالىق ميسسيالار باسشىلارى, ساراپشىلار قاۋىمداستىعى جانە باق وكىلدەرى قاتىسادى.
«قازاقستاندا مەملەكەت پەن ۇەۇ-نىڭ ءوزارا ءىس-قيمىلى جالپىۇلتتىق ديالوگ شەڭبەرىندە تەڭ قۇقىلى سەرىكتەستىك قاعيدالارىنا قۇرىلادى, ونىڭ باستى تەتىكتەرىنىڭ ءبىرى بولىپ ازاماتتىق فورۋم سانالادى», - دەدى «قازاقستاننىڭ ازاماتتىق اليانسى» زتب پرەزيدەنتى نۇرلان ەرىمبەتوۆ.
ونىڭ ايتۋىنشا, فورۋم بارىسىندا الەۋمەتتىك يدەيالار مەن جوبالار جارمەڭكەسى وتكىزىلەدى. ول الەۋمەتتىك ماسەلەلەردى شەشۋدەگى يننوۆاتسيالىق تاسىلدەردى انىقتاۋعا باعىتتالعان. جارمەڭكە 15 قازان مەن 15 قاراشا ارالىعىندا اليانس سايتىندا وتەدى. جوبانىڭ ۇزدىك يدەياسىنىڭ اۆتورى 1 ملن تەڭگە كولەمىندەگى سىيلىقپەن ماراپاتتالادى.
VII ازاماتتىق فورۋم باعدارلاماسى ۇەۇ جەتىستىكتەرىنىڭ كورمەسى, ازاماتتىق قوعامنىڭ قازىرگى جاعدايى مەن دامۋ كەلەشەگى تۋرالى فورۋمىنىڭ پلەنارلىق وتىرىسىنان تۇرادى. مۇندا قازاقستاننىڭ ۇەۇ-نىڭ ەتيكا كودەكسىن قابىلداۋ جانە ۇسىنىستاردى پىسىقتاۋ جوسپارلانۋدا.
سونىمەن قاتار, ن. ەرىمبەتوۆتىڭ ايتۋىنشا, قازاقستاننىڭ ازاماتتىق اليانسى قوعامدىق كەڭەستەردى دامىتۋ جوبالارىن ىسكە قوسپاقشى. جوبا وڭىرلىك قوعامدىق كەڭەستەردىڭ قىزمەتىن جەتىلدىرۋ بويىنشا ولارمەن سەرىكتەستىك ءوزارا ءىس-قيمىل جاساۋعا, حالىقتى قوعامدىق كەڭەستەر ارقىلى شەشىمدەر قابىلداۋ ۇدەرىستەرىنە تارتۋعا باعىتتالعان.
«ءبىز ءۇش باعىت بويىنشا: ارنايى قۇرىلعان سايت www.kazkenes.kz ارقىلى - اقپاراتتىق, قوعامدىق كەڭەستەر مەن ۇەۇ وكىلدەرىن وقىتۋ ارقىلى جانە زاڭناما نەگىزىندە قوعامدىق كەڭەستەر قىزمەتىنە مونيتورينگ جۇرگىزۋ بويىنشا قىزمەت كورسەتۋ ارقىلى قوعامدىق كەڭەستەرگە ءبىلىم بەرۋ, اقپاراتتىق, قۇقىقتىق قولداۋ كورسەتۋدى جوسپارلايمىز»,- دەدى ن. ەرىمبەتوۆ.
ايتا كەتۋ كەرەك, قازاقستاننىڭ ازاماتتىق فورۋمىن وتكىزۋ جانە قوعامدىق كەڭەستەر جونىندەگى جوبا ازاماتتىق باستامالاردى قولداۋ ورتالىعىنىڭ جانە قر ءدىن ىستەرى جانە ازاماتتىق قوعام مينيسترلىگىنىڭ مەملەكەتتىك گرانتتارى شەڭبەرىندە ىسكە اسىرىلۋدا.