ەكى مارتە سوتسياليستىك ەڭبەك ەرى, داڭعايىر ديقان ىبىراي جاقاەۆتىڭ 125 جىلدىعى اياسىندا 23 قازان كۇنى قىزىلوردادا 13 ميلليون تەڭگەدەن استام جۇلدە قورىن قۇرايتىن ات بايگەسىنىڭ اقتىق سايىسى ءوتتى. ەلىمىزدىڭ تۇكپىر-تۇكپىرىنەن كەلگەن ونداعان شاباندوز بايگەنىڭ 5 تۇرىنەن سىنعا ءتۇستى, - دەپ حابارلايدى قىزىلوردا وبلىسى اكىمىنىڭ ءباسپاسوز قىزمەتى.
وبلىس اكىمى قىرىمبەك كوشەرباەۆ جينالعان جۇرتشىلىقتى ەگىن جيناۋ ناۋقانىنىڭ اياقتالۋىمەن جانە دالا اكادەميگىنىڭ مەرەيتويىمەن قۇتتىقتاپ, شاباندوزدارعا ساتتىلىك تىلەدى.
"سوڭعى جىلدارى ۇلتتىق سپورت تۇرلەرىنىڭ وبلىسىمىزدا بۇقارالىق سيپات الىپ كەلە جاتقانى قۋانتادى. ايماقتا 14 مىڭنان استام ادام ەتنوسپورتتىڭ 7 تۇرىمەن شۇعىلدانادى. جىل سايىن وبلىسىمىزدا وتكىزىلەتىن "التىن بەلبەۋ" ءتۋرنيرى - رەسپۋبليكاداعى ەڭ تانىمال ءارى بەدەلدى باسەكەنىڭ بىرىنە اينالدى. سونداي-اق, بيىلعى جىلى كوكپاردان جاڭاقورعان اۋدانىندا وتكەن 5-ءشى قازاقستان چەمپيوناتىندا وبلىسىمىزدىڭ قۇراما كومانداسى تۇڭعىش رەت قاتىسىپ, ەكىنشى ورىندى جەڭىپ الدى. كوكپاردان وبلىستىڭ جاسوسپىرىمدەر قۇراما كومانداسى ەكى مارتە كۇمىس جۇلدەنى يەلەندى. بىلتىر ۇلتتىق سپورتتى دامىتۋ ماقساتىندا سالىنعان يپپودروم حالىقارالىق جارىستاردى وتكىزۋگە جانە وڭىردە ات سپورتىنىڭ وركەندەۋىنە مۇمكىندىك بەرەدى", - دەدى ايماق باسشىسى.
ات بايگەسىنىڭ قورىتىندىسى: كوكپاردان جاڭاقورعان اۋدانىنىڭ كومانداسى جەڭىسكە جەتىپ, 2 ميلليون تەڭگەنى يەلەندى; ەكىنشى ورىندى جەڭىپ العان شيەلىلىكتەرگە 1,5 ميلليون تەڭگە بەرىلدى; ءۇشىنشى ورىندى قانجىعاسىنا بايلاعان قىزىلوردا قالاسىنىڭ شاباندوزدارى 500 مىڭ تەڭگەمەن جانە ءتورتىنشى ورىندى جەڭىپ العان ارالدىقتار 250 مىڭ تەڭگەمەن ماراپاتتالدى. "تەڭگە ءىلۋ" سايىسىندا ءبىرىنشى ورىندى (100 مىڭ تەڭگە) جاڭاقورعاندىق التاي قوڭقاەۆ يەلەندى. ەكىنشى ورىندى (75 مىڭ تەڭگە) جالاعاشتىق دوسبول نۇرحان جەڭىپ السا, ءۇشىنشى ورىندى (50 مىڭ تەڭگە) قىزىلوردالىق جانبولات الىقوجاەۆ يەلەندى. "قۇنان بايگەدە" الماتى وبلىسىنان كەلگەن جانقويلىقوۆتار اۋلەتىنىڭ "قاراتوبەلى" جەڭىسكە جەتتى. شاباندوز - وتەگەن ايتبەك. ءبىرىنشى ورىن ءۇشىن ولار 1 ميلليون تەڭگە اقشالاي سىيلىق يەلەندى.
ەكىنشى ورىن مەن 500 مىڭ تەڭگەنى قىزىلوردالىق يگەنباەۆ دانەلدىڭ "ەلىك" اتتى تۇلپارى جەڭىپ الدى. شاباندوز - ەميل يگەنباەۆ. ال ءۇشىنشى ورىنعا لايىق دەپ تانىلعان "الاتاۋ" سايگ ۇلىگىنىڭ يەسى الماتىلىق ايبەك باحىتبەككە 300 مىڭ تەڭگە بەرىلدى. شاباندوز - ەلشات بايمۇحانوۆ.
"توق بايگەدە" ءبىرىنشى ورىن مەن 1,5 ميلليون تەڭگە اقشالاي سىيلىققا شيەلى اۋدانىنان كەلگەن مايلىباەۆتار وتباسىنىڭ "پاتشا" تۇلپارى لايىق دەپ تانىلدى. ەكىنشى ورىن مەن 1 ميلليون تەڭگەنى استانالىق نۇرداۋلەت ميراستىڭ "شايكۇرەڭى" جەڭىپ الدى. ءۇشىنشى ورىندى يەلەنگەن جانقويلىقوۆتار وتباسىنىڭ "التىنقوزىسىنا" 500 مىڭ تەڭگە اقشالاي سىيلىق تابىستالدى.
"الامان بايگە" - سايىستىڭ ەڭ كۇردەلى ءتۇرى, شارت بويىنشا 25 شاقىرىم قاشىقتىقتى باعىندىرۋ كەرەك. "الامان بايگەدە" تالدىقورعاندىق جەڭىس سمايىلوۆتىڭ "باقتورىسىن" تىزگىندەگەن اقجول جۇماتاي ۇزدىك شاباندوز دەپ تانىلدى. جەڭىمپازعا جول تالعامايتىن كولىك كىلتى تابىستالدى. ال ەكىنشى ورىن تارازدىق مەلەبەك نۇرداۋلەتكە بۇيىردى. "باتىر" اتتى تۇلپاردىڭ يەسى - اسقار ولجاباەۆ. ءۇشىنشى ورىن مەن 1 ميلليون تەڭگە اقشالاي سىيلىق شىعىسقازاقستاندىق ەرلان سۇلەيمەنوۆتىڭ "ميراد" تۇلپارىن تىزگىندەگەن نۇرلان جاقسىلىققا بۇيىردى. ءتورتىنشى ورىن ءۇشىن 500 مىڭ تەڭگەنى الماتىلىق سەرىك باقيەۆتىڭ "نۇرتورىسى" يەلەندى. شاباندوز - ارنۇر قۇرمانجان.
ايتا كەتەيىك, ات بايگەسىنىڭ دەمەۋشىلەرى - "قازگەرمۇناي" بك, ء"مادى قاجى" جشس, "جان-اراي" جشس, "بايقوڭىر" اكك.