قۋانىش سۇلتانوۆتىڭ توراعالىعىمەن ەلباسى جانىنداعى ادام قۇقىقتارى جونىندەگى كوميسسيانىڭ ازاماتتاردىڭ كاسىپكەرلىك قىزمەت ەركىندىگىنە كونستيتۋتسيالىق قۇقىقتارىن قامتاماسىز ەتۋدىڭ وزەكتى ماسەلەلەرىن تالقىلاۋعا ارنالعان كەڭەيتىلگەن وتىرىسى بولىپ ءوتتى.
جينالعاندار الدىندا «اتامەكەن» ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى رۋستام ءجۇرسىنوۆ بايانداما جاسادى.
تالقىلاۋعا ۇلتتىق جانە حالىقارالىق ساراپشىلار, كاسىپكەرلەر قۇقىقتارىن قورعاۋ جونىندەگى ۋاكىل, مەملەكەتتىك ورگانداردىڭ, ۇكىمەتتىك ەمەس قۇقىق قورعاۋ ۇيىمدارىنىڭ باسشىلارى, بيزنەس وكىلدەرى, سۋديالار, زاڭگەر عالىمدار, تانىمال ادۆوكاتتار قاتىستى.
كوميسسيا مۇشەلەرى بيزنەستى دامىتۋدىڭ نەگىزگى باسىمدىقتارى مەن قاعيداتتارىن مەملەكەت باسشىسى ن.نازارباەۆ «بيزنەستىڭ جول كارتاسى-2020» جانە «جۇمىسپەن قامتۋدىڭ جول كارتاسى» باعدارلامالىق قۇجاتتارىندا ايقىنداپ بەرگەنىن جانە جاريالاعانىن اتاپ كورسەتتى.
وتىرىسقا قاتىسۋشىلار مەملەكەت تاراپىنان دا, كاسىپكەرلەر تاراپىنان دا ءوزارا ءىس-قيمىلدىڭ بارىنشا پروبلەمالىق ماسەلەلەرىن رەتتەۋگە, كاسىپكەرلىك ەركىندىگىنىڭ زاڭنامالىق كەپىلدىكتەرىن دامىتۋعا, رەيدەرلىك پەن سىبايلاس جەمقورلىق قۇبىلىستارىن ەڭسەرۋگە دەگەن ءبىرىڭعاي مۇددەلىلىكتىڭ بار ەكەنىن العا تارتتى.
ءسوز سويلەگەندەر بۇقارالىق كاسىپكەرلىكتى ىنتالاندىرۋ مەن حالىقتىڭ جۇمىسپەن قامتىلۋىن قامتاماسىز ەتۋ تۋرالى ماسەلەنىڭ وزەكتىلىگىن اتاپ ءوتتى.
كوميسسيانىڭ وتىرىسىندا ازىرلەنگەن ۇسىنىمدار مەملەكەت باسشىسىنىڭ, قازاقستان رەسپۋبليكاسى ۇكىمەتى مەن پارلامەنتىنىڭ نازارىنا جەتكىزىلەتىن بولادى.
«ەگەمەن-اقپارات»