بۇل تۋرالى بۇگىن ۇكىمەت وتىرىسىندا ايتىلدى. پرەمەر-مينيستر باقىتجان ساعىنتاەۆ تۇراقتاندىرۋ قورلارىنا ازىق-ت ۇلىك الۋعا بولىنگەن قارجىنى ءتيىستى دەڭگەيدە يگەرۋ كەرەكتىگىن مالىمدەدى. سونداي-اق, وبلىس اكىمدەرىنەن تۇراقتاندىرۋ قورلارىن ازىق-ت ۇلىكپەن تولتىرۋعا بولىنگەن قارجى دەپوزيتتەردە نەگە بوستان بوس يگەرىلمەي جاتقانىن ءتۇسىندىرۋدى تالاپ ەتتى.
ب.ساعىنتاەۆ ەلىمىزدىڭ وڭىرلەرىندە قاراقۇمىقتىڭ باعاسى ەلەۋلى وسكەنىن ايتا كەلە, وسى رەتتە جاقىن ارادا بۇل ماسەلەنى شەشۋدى تاپسىردى. ءوز كەزەكتەرىندە ۇكىمەت وتىرىسىنا سەلەكتورلىق بايلانىسپەن شىققان ءوڭىر اكىمدەرى بۇل باعىتتاعى جۇمىستاردى تاياۋ ارادا رەتكە كەلتىرەتىنىنە ۋادە ەتتى.
«ارينە, ءبىرىنشى كەزەكتە ءبىز باعانىڭ نەگىزسىز وسپەۋىن باقىلاپ وتىرۋىمىز كەرەك. ماۋسىمدىق جانە باسقا دا سەبەپتەرمەن تاۋار قۇنىنىڭ جوعارىلاۋى ورىن الادى, بىراق تا باعاعا قاتىستى ءتيىستى شەشىمدەر جاسالعانىمەن, كوپ جاعدايلاردا جۇمىستاردىڭ اتقارىلماۋى سالدارىنان ءوسىپ جاتادى. بىزدە ءوندىرىستى جانە ءونىمنىڭ ساۋداسىن ىسكە اسىرۋدى ىنتالاندىرۋعا بايلانىستى, باعانى ىرىقتاندىرۋعا تەتىكتەر جەتكىلىكتى. الايدا, بۇل تەتىكتەر جۇمىس ىستەمەي تۇر. وتىرىستا بايقاعانىمىزداي, جەرگىلىكتى جەرلەردە اكىمدىكتەر تاراپىنان قاداعالاۋ بولماي تۇر», – دەدى پرەمەر-مينيستر.
وسى رەتتە ب.ساعىنتاەۆ باعانى ىرىقتاندىرۋدا جۇيەلى شارالار قابىلداۋ كەرەكتىگىن نىقتاپ جەتكىزدى. ول: «ءبىزدىڭ كەيبىر ارىپستەستەرىمىز لاۋازىمدارىن العاننان كەيىن بازارلارعا بارىپ, باعالاردى ينسپەكتسيالاپ جاتادى. دەگەنمەن دە ولار بارعان كەزدە, بازارلاردا تاۋارلار مەن ونىمدەر باعاسىن ساۋداگەرلەر لەزدە تومەندەتىپ تاستايتىنىن وتە جاقسى بىلەدى. ولار كەتكەننەن كەيىن ساۋداگەرلەر ەسكى باعانى قايتا قويادى. بۇل ءوز كەزەگىندە بەدەلقۇمارلىقتان باسقا ەشتەڭەنى بەرمەيدى. سوندىقتان ناقتى قاجەتتى جۇيەلى شارالاردى جۇزەگە اسىرىڭىزدار», – دەدى. سونداي-اق, ۇكىمەت باسشىسى قازاقستاندا وندىرىلەتىن ونىمدەر بويىنشا باعانى ۇستاپ تۇرۋعا تولىق نەگىز بار ەكەنىن العا تارتتى. سونىمەن قاتار, ۇلتتىق ەكونوميكا مينيسترلىگىنە باعا ساياساتىندا رەتتەگىش تەتىكتەردى ءتيىستى دەڭگەيدە پايدالانۋدى ەسكەرتتى.
دينارا بىتىكوۆا