قىرعىزستان پرەزيدەنتى المازبەك اتامباەۆ قىسقا مەرزىمدەگى دەمالىسقا شىقتى. بۇل تۋرالى تاسس اقپارات اگەنتتىگىنە سىلتەمە جاساپ ەگەمەن-اقپارات حابارلادى.
اتالعان دەرەككە سۇيەنسەك, قىرعىز ەلىنىڭ باسشىسى دەمالىس بارىسىندا تولىق دارىگەرلىك تەكسەرۋدەن وتەدى. پرەزيدەنتتىڭ ءباسپاسوز قىزمەتى: «ا. اتامباەۆتىڭ دەنساۋلىعىنا ءتونىپ تۇرعان ەشبىر قاۋىپ جوق», دەپ حابارلايدى.
ايتا كەتەيىك, قىرعىزستان پرەزيدەنتى كەشە بۇۇ باس اسسامبلەياسىنىڭ 71-ءشى سەسسياسىنا قاتىسۋ ءۇشىن نيۋ-يوركقا ۇشقان بولاتىن. الايدا, جارتى جولدا ول ءوزىن جايسىز سەزىنىپ, كەۋدە تۇسىنىڭ اۋىرعانىنا بايلانىستى ءىسساپاردى جالعاستىرا المادى. بۇل جونىندە كەشە قىرعىز پرەزيدەنتىنىڭ اپپاراتى حابارلاعان-دى.
مەملەكەت باسشىسى 1 قازاندا جۇمىسقا شىعادى.
ەگەمەن-اقپارات