وڭتۇستىك قازاقستان وبلىسىندا ءىرى جول-كولىك وقيعاسى ورىن الدى. سالدارىنان 6 ادام قازا تاۋىپ, 15 جولاۋشى ءتۇرلى دەنە جاراقاتىمەن اۋرۋحاناعا جەتكىزىلدى.
جول اپاتى الماتى-تاشكەنت تاسجولىنىڭ بويىنداعى قازىعۇرت اۋدانىنىڭ ماڭىندا بولعان. كۋاگەرلەردىڭ ايتۋىنشا, «فورد-ترانزيت» ماركالى جولاۋشىلار تاسىمالدايتىن شاعىن اۆتوبۋس پەن «تويوتا» كولىگى سوقتىعىسقان.
قازىرگى تاڭدا پوليتسەيلەر وقيعانىڭ انىق-قانىعىن زەرتتەۋدە. الدىن الا بولجام بويىنشا, شاعىن اۆتوبۋس قاراما-قارسى باعىتقا شىعىپ كەتكەن بولۋى مۇمكىن. قازا تاپقانداردىڭ ىشىندە 2013 جىلى تۋعان ءبۇلدىرشىن بار.
تالعات رايىمبەك