سينگاپۋردە جۇرگىزۋشىسىز باسقارىلاتىن تاكسي قىزمەتى ىسكە قوسىلدى. جەرگىلىكتى بيلىك وكىلدەرىنىڭ ايتۋىنشا, تاكسي پاركىندە ءدال وسىنداي 6 كولىك بار. العاشقى سىناق رەتىندە, اتالعان تاكسيلەر تەك عىلىمي-زەرتتەۋ قالاشىعىنىڭ اۋماعىندا عانا جۇرەدى.
«جىل سوڭىنا دەيىن ءبىز جۇرگىزۋشىسىز باسقارىلاتىن كولىكتەر سانىن ەكى ەسەگە ارتتىرامىز. بۇگىندە ىسكە قوسىلعان تاكسيدە كولىك باسقارۋشىنىڭ ورنىنا نۇسقاۋشى وتىرادى. بۇل ۋاقىتشا نارسە. جالپى, كولىكتەر ساعاتىنا 50 شاقىرىمدىق جىلدامدىقپەن قوزعالا العانىمەن, ءجۇرىسى 30 شاقىرىمنان اسپايدى», – دەيدى ونەركاسىپكومپانياسىنىڭ وكىلدەرى.
ايتا كەتەيىك, تاكسيگە تاپسىرىس بەرۋ, باعدار بەلگىلەۋ مەن قىزمەتتى تولەۋ ۇيالى تەلەفون ارقىلى جۇزەگە اسادى.
تالعات رايىمبەك