اتالعان ەلدەگى تاۋەلسىزدىك قۇرداستارى ىشكى اۋە رەيستەرىندە عانا تەگىن ۇشا الادى. ۇلتتىق «ۋزبەكيستون حاۆو يۋللاري» اۆياكومپانياسى 1991 جىلدىڭ 1 قىركۇيەگىندە تۋعان جاستارعا وسىنداي مۇمكىندىك جاساپ وتىر.
«ءبىز تاۋەلسىزدىكتىڭ ءتول قۇرداستارىنا سىيلىق رەتىندە وسىنداي باستامانى قولعا الدىق. ولار 1 قىركۇيەك پەن 31 جەلتوقسان ارالىعىندا وزبەكستاننىڭ كەز كەلگەن جەرىنە ۇشىپ بارا الادى», – دەيدى اتالعان اۆياكومپانيا وكىلدەرى.
ايتا كەتەيىك, بيىل وزبەكستاننىڭ تاۋەلسىزدىك العانىنا 25 جىل تولىپ وتىر. تاۋەلسىزدىك مەرەكەسى جىل سايىن 1 قىركۇيەكتە تويلانادى.
تالعات رايىمبەك