«وتكەندە قىزىق تا وكىنىشتى وقيعا بولدى. 19 جاستاعى جىگىت ەلدى الداعىسى كەلىپتى. ءسويتىپ, يىعىندا پوليتسيا كىشى سەرجانتىنىڭ پوگونى ىلىنگەن كيىممەن «ناسيحا» ساۋدا ورتالىعىنا الشاڭداي باسىپ كىرىپتى.
سول ساتتە ونى ساۋدا ورتالىعىنىڭ قاۋىپسىزدىك قىزمەتىن باسقاراتىن اسحات قۇسايىنوۆ سىرتتاي باقىلاۋعا الىپتى. كەزىندە ىشكى ىستەر ورگاندارى سالاسىندا قىزمەت ەتكەن, بۇگىندە زەينەتكەر ا.قۇسايىنوۆ پوليتسيا كىشى سەرجانتىنا جاقىنداپ, ودان قىزمەتى تۋرالى سۇراي باستايدى. اڭگىمە بارىسىندا پوليتسيا كىشى سەرجانتىنىڭ قىزمەتتىك كۋالىگىنىڭ جوقتىعى بەلگىلى بولادى.
بۇل, ارينە, بۇرىنعى پوليتسيا قىزمەتكەرى ا.قۇسايىنوۆتىڭ كۇدىگىن ودان سايىن ۇلعايتىپ, سول بويدا «102» نومىرىنە قوڭىراۋ شالادى. وقيعا ورنىنا كەلگەن اتىراۋ قالالىق ءىىب جول-پاتۋرلدىك پوليتسيا ەكيپاجى كۇدىكتى جىگىتتىڭ ىشكى ىستەر ورگاندارىنا ەشقانداي دا قاتىسى جوق ەكەندىگىن انىقتايدى. تەكسەرۋ بارىسىندا كۇدىكتىنىڭ جىل باسىنان بەرى جول ەرەجەسىن بۇزعانى جانە ۇساق بۇزاقىلىق جاساعانى ءۇشىن ەكى رەت اكىمشىلىك جاۋاپكەرشىلىككە تارتىلعانى بەلگىلى بولدى. ءسويتىپ, قايران جىگىت, ىشكى ىستەر قىزمەتكەرلەرىنىڭ قوعامدىق ورىندارعا ءجيى كيىپ كەلە بەرمەيتىن وقالى كيىمىن كيەمىن دەپ, وپىق جەدى.
جولداسبەك شوپەعۇل,
«ەگەمەن قازاقستان»
اتىراۋ