كەشە قازاقستاننىڭ «گۆاردەيسك» پوليگونىندا «ارتيللەريالىق وق اتۋ شەبەرلەرى» مەن «مەرگەن شەبى» بايقاۋلارىنىڭ جەڭىمپازدارىن سالتاناتتى ماراپاتتاۋ ءراسىمى ءوتتى.
قازاقستان جەرىندە العاش رەت وتكەن ارميا حالىقارالىق ويىندارى حالىقارالىق تۋرنيرلەرىنىڭ جەڭىمپازدارىن قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ قۇتتىقتادى.
قازاقستاننىڭ اسكەري قىزمەتشىلەرى ەكى بايقاۋدىڭ ابسوليۋتتىك جەڭىمپازدارى اتاندى. «ارتيللەريالىق وق اتۋ شەبەرلەرى» بايقاۋىندا رەسەي كومانداسى ەكىنشى ورىنعا جايعاستى, قىتاي كومانداسى ءۇشىنشى ورىندى, ولاردىڭ سوڭىنان ىلەسكەن قىرعىزستان جانە ۆەنەسۋەلا كوماندالارى بولدى. بۇل رەتتە «ۇزدىك مينا اتقىش كومانديرى» رەتىندە قحر-دىڭ سەرجانتى چجاي چجيتاو ماراپاتتالسا, رەسەيدىڭ اعا ماتروسى يلدار فايزۋللين «ۇزدىك كوزدەۋشى» بولىپ تانىلدى, ال قازاقستاننىڭ سەرجانتى جاناتاەۆ تولەپبەك «ۇزدىك مەحانيك-جۇرگىزۋشى» دەگەن اتالىمعا يە بولدى. «مەرگەن شەبى» بايقاۋىندا سايكەسىنشە رەسەي جانە بەلارۋس ەكىنشى جانە ءۇشىنشى ورىنداردى ەنشىلەدى. جەكە ەسەپتە بەلارۋستەن كەلگەن پراپورششيك ۆاديم رەبكوۆەتس ۇزدىك مەرگەن, ال ۇزدىك مەرگەن جۇبى رەسەيدەن كەلگەن اعا سەرجانت اندرەي مياچين مەن سەرجانت پاۆەل پەتراۆيچيۋس بولدى.
«ەگەمەن-اقپارات»