باستى ماسەلە – باسپانا

بيىل شىمكەنت قالاسىندا «نۇرلى جول» باعدارلاماسى اياسىندا 96 پاتەر تاپسىرىلادى «بايتەرەك» حولدينگىنىڭ ەنشى­لەس ۇيىمى «قازاقستان يپوتەكالىق كومپانياسى» يۇ» اق – «نۇرلى جول» اياسىندا جالعا بەرىلەتىن تۇر­عىن ءۇي باعدارلاماسىن ىسكە اسىراتىن وپەراتورلاردىڭ ءبىرى. قازىر كومپانيا «نۇرلى جول» باع­دارلاماسى بويىنشا شىمكەنت قالاسىندا 96 پاتەردەن تۇراتىن ءۇيدىڭ قۇرىلىسىنا قاتىسىپ جاتىر.  ونىڭ جالپى الاڭى – 5,4 مىڭ شارشى مەتر. پاتەرلەردى جەل­توق­ساندا تاپسىرۋ جوسپارلانىپ وتىر. ولاردىڭ بارلىعى تازا ارلەن­گەن جانە گاز پليتاسىمەن جابدىق­تالادى. «قازاقستان يپوتەكالىق كوم­پا­نياسى» يۇ» اق باسقارما ءتورا­عاسىنىڭ ورىنباسارى بولات دوسمۇحامەتوۆتىڭ ايتۋىنشا, يپو­تە­كالىق كومپانيا جەلىسى بويىنشا جالعا بەرىلەتىن تۇرعىن ءۇي باعدارلاماسىنا قاتىسۋشىلاردى تاڭداۋ مەن تۇرعىن ۇيلەردى بولۋمەن تىكەلەي اينالىساتىن جەرگىلىكتى اتقارۋشى ورگانداردا كەزەكتە تۇرعاندار قاتىسا الادى. بۇل ۇيلەر كوپ بالالى وتباسىلار, تولىق ەمەس وتباسىلار, مۇگەدەك بالالارى بار جانە ولاردى  تاربيەلەپ وتىرعان وتباسىلارعا بەرىلەدى. سو­نىمەن بىرگە, جەتىم بالالار, اتا-اناسىنىڭ قامقورلىعىنسىز قال­عان جەتىم بالالار, ورالماندار, مەملەكەتتىك قىزمەتكەرلەر,  اسكە­ري قىزمەتكەرلەر, ارنايى مەم­لەكەتتىك ورگانداردىڭ قىز­مەت­كەرلەرى, بيۋدجەتتىك ۇيىمداردىڭ قىز­مەت­كەرلەرى دە باسپانامەن قامتاماسىز ەتىلەدى. داستان كەنجالين, «ەگەمەن قازاقستان»