جاقىندا «نۇر وتان» پارتياسىنىڭ سەمەي قالالىق فيليالىندا تىڭ جاڭالىق بولدى. وندىرىستە اۋىر جاراقات العان ابىلايحان اسىلباي جانتالاسا ءجۇرىپ, بۇگىندە قازاقستاننىڭ ەڭ ۇزدىك قولونەر شەبەرى اتانعان ەدى. ەڭبەكقورلىعىنىڭ ارقاسىندا تىرشىلىكپەن, قوعاممەن تىعىز بايلانىس ورناتىپ, ناتيجەسىندە «نۇر وتان» پارتياسىنا مۇشەلىككە دە كىرىپ وتىر.
– مەن «نۇر وتان» پارتياسى ارقىلى وزىممەن پىكىرلەس ادامدارمەن دوستاسسام دەگەن ارمانىم بار, – دەدى ابىلايحان اسىلباي. – وسى ارقىلى جوبالارىمدى, العا قويعان ماقساتتارىمدى ورىنداعىم كەلەدى. «نۇر وتان» پارتياسىنىڭ بيلەتى مەن ءۇشىن اسا قىمبات. ءبىرىنشى توپتاعى مۇگەدەك بولسام دا, قول قۋسىرىپ قاراپ وتىرماي, ءوز ەلىمە پايدا اكەلەتىندىگىمدى دالەلدەمەكپىن.
ابىلايحان ۇزاق جىلدار بويى كاسىبي قۇرىلىسشى بولعان. بيىكتەن قۇلاپ, ومىرتقاسى زاقىمدانادى. اياعى قوزعالماي قالادى. ول العاشىندا وتىرا دا المايتىن. وعان قارىنداسى مەن كۇيەۋ بالاسى كومەكتەسەدى. كۇيزەلىسكە تۇسكەن ول ۋايىم-قايعىسىن جەڭۋ ءۇشىن ەجەلگى اعاش قولونەرىن يگەرۋدى قولعا الىپتى.
وسىدان ءبىراز بۇرىن وتكەن «شىعىس سۋۆەنيرى» وڭىرارالىق V قولونەر بايقاۋىنىڭ ناتيجەسى بويىنشا ابىلايحان اسىلباي گران-پري يەگەرى اتاندى, سودان كەيىن ول ءوز جۇمىستارىمەن رەسپۋبليكالىق «شەبەر» بايقاۋىنا قاتىستى, حالىقتىڭ ىستىق ىقىلاسىنا يە بولدى. ول كۇمىس جانە سارى مەتالل سىمنان توقىلعان اسكەر ساۋىتى, بولاتتان جاسالىپ, بىلعارى قاپقا سالىنعان قىلىش, ءتۇرلى مەتالداردان جاسالعان ايەل اشەكەيلەرى, ءارتۇرلى ورىلگەن قامشى, ات ءابزەلدەرى, ەر-توقىم جانە تاعى باسقالار. شەبەر بۇيىمداردى جالىقپاي وڭدەۋدى دە ادەتكە اينالدىرعان.
– اسىرەسە, باتىرلارعا ارنالعان ساۋىت جاساۋ وتە كۇردەلى, كوپ ەڭبەكتەنۋدى قاجەت ەتەتىن جۇمىس, – دەيدى ابىلايحان اسىلباي. – ال ايەل اشەكەيلەرىن جاساۋ ءۇشىن ۇساق بەدەرلەرمەن جالىقپاي جۇمىس ىستەۋ كەرەك. ءتىپتى, الماتىعا بارىپ, وقۋىن دا وقىپ كەلدىم.
ءسويتىپ, سەمەيگە كەلگەن كەزدە, ءوز ءۇيىنىڭ ءبىر بولمەسىنەن شاعىن عانا تسەح اشىپ, جۇمىسىن ىستەي باستادى. ونىڭ كوپتەگەن بۇيىمدارى قازاقستاننىڭ مۇراجايلارىنىڭ تورىنەن ورىن العان. ءتىپتى, شەتەلدىكتەر دە ونىڭ ونەرىن جوعارى باعالاۋدا. وسى ءىستى قالاي مەڭگەرۋگە قاتىستى شەبەرلىك ساعاتتارىن دا وتكىزدى. وتكەن جىلى كاسىپكەرلىكتى دامىتۋعا ارنالعان «دامۋ» قورىنىڭ گرانتىنا يە بولدى. بۇل گرانتقا مەتالل مەن اعاشتى, سۇيەك پەن تەرىنى وڭدەيتىن تاماشا قۇرال-جابدىق ساتىپ الدى.
ابىلايحانمەن بىرگە سەمەيدە «نۇر وتان» پارتياسىنا بيىل 3 مىڭ سەمەيلىك بىردەن مۇشەلىككە كىرۋگە بەل بۋىپتى. «نۇر وتان» پارتياسىنىڭ سەمەي قالالىق فيليالىنداعى كەڭەسشى ءاليا بۋكاەۆانىڭ ايتۋىنشا, وسىنشاما ادامدى بىردەن قابىلداۋ پارتيا تاريحىندا بۇرىن-سوڭدى بولعان ەمەس. ابىلايحانعا پارتيا بيلەتىن «نۇر وتان» پارتياسىنىڭ سەمەي قالالىق فيليالى ءتوراعاسىنىڭ ورىنباسارى زۋلفيا جامالتدينوۆا تاپسىردى. كەلگەن قوناقتارعا جاساعان بۇيىمدارىن كورسەتكەن ول بۇدان كەڭىرەك شەبەرحانادا جۇمىس ىستەگىسى كەلەتىندىگىن ايتقان ەدى.
– بۇل شەشىلەتىن ماسەلە, – دەدى زۋلفيا جامالتدينوۆا. – ءبىز «جاس وتان» جاستار قاناتىن شاقىرىپ, اسار جاسايمىز. ولار قولايلى شەبەرحانانى جوندەۋدەن وتكىزىپ, بۇكىل قۇرال-جابدىقتارىڭىزدى جاڭا ورىنعا كوشىرىپ بەرەدى.
راۋشان نۇعمانبەكوۆا
سەمەي