ريو-دە-جانەيرودا ءوتىپ جاتقان وليمپيالىق ويىنداردىڭ بوكس تۋرنيرىندە ءبىرىنشى 1/16 فينالدىق شايقاسىن بريتانيالىق ەنتوني فوۋلەرمەن وتكىزىپ, 3:0 ەسەبىمەن جەڭىسكە جەتكەن 75 كگ سالماقتاعى جەرلەسىمىز جانىبەك ءالىمحان ۇلىنىڭ كەلەسى اينالىمداعى قارسىلاسى انىقتالدى.
جانىبەك 1/8 فينالدا وسىنىڭ الدىندا كونگولىق ميپ نگاميسسەنگۋەنى 3:0 ەتىپ تىزە بۇكتىرگەن الجيرلىك يلياس ابباديمەن قولعاپ تۇيىستىرەتىن بولدى. ال بۇل جۇپتان جەڭىپ شىققان بوكسشى 1/4 فينالدا رەسەيلىك ارتەم چەبوتارەۆ پەن ازەربايجان كامران شاحسۋۆارلى جەكپە-جەگىنىڭ جەڭىمپازىمەن جۇدىرىقتاسادى.
ايتا كەتەيىك, ازەربايجان بوكسشىسى بۇدان بىرنەشە جىل بۇرىن اقتوبەدە تۇرىپ, ءۇش رەت قازاقستان چەمپيوناتىنا قاتىسقان. ول ەكى رەت ءبىزدىڭ ەلىمىزدىڭ قولا جۇلدەگەرى اتانعان.
داستان كەنجالين
فوتو: facebook