بۇگىن سانكت-پەتەربۋرگ قالاسىندا رەسەي پرەزيدەنتى ۆلاديمير پۋتين مەن تۇركيا پرەزيدەنتى رەدجەپ تايپ ەردوعاننىڭ اراسىنداعى كەلىسسوز باستالدى. ول ەكى ەل ليدەرلەرىنىڭ سترەلنياداعى كونستانتين سارايىنىڭ گرەك قوناق بولمەسىندە ءبىر-بىرلەرىنە قول بەرۋلەرىنەن ارنا تارتتى.
ەكى مەملەكەتتىڭ باسشىلارى رەسەيدىڭ سۋ-24 بومبارديروۆششيگى سيريا اسپانىندا تۇرىكتەر تاراپىنان اتىپ تۇسىرىلۋىنە بايلانىستى تۋىنداعان 8 ايلىق سالقىن قاباق قارىم-قاتىناسىنان كەيىن وسى جولى ءبىرىنشى رەت قايتا كەزدەسىپ وتىر.
زالعا ءبىرىنشى بولىپ پۋتين كىردى, سودان كەيىن اراعا ەكى مينۋت سالىپ, ەردوعان كەلدى. ليدەرلەر جۋرناليستەردىڭ العاۋىندا ءبىر-بىرلەرىنىڭ قولدارىن الىپ, جارقىن جۇزبەن سالەمدەستى. شاعىن ۇستەلدىڭ ەكى جاعىنا ورنالاسقان ورىندىقتارعا وتىرعان پۋتين مەن ەردوعان سوسىن الدا وتكەلى تۇرعان كەلىسسوزدەر تاقىرىبى تۋراسىندا قىسقاشا مالىمدەمەلەر جاسادى. ولاردىڭ وسىدان كەيىنگى كەزدەسۋلەرى ءباسپاسوز قۇرالى وكىلدەرىنىڭ قاتىسۋىنسىز ءوربىدى.
مۇرات ايتقوجا