وتكەن جىلى ونلاين قولداۋ كورسەتۋ قىزمەتى ەلىمىزدەگى مۇگەدەك جانداردى تاربيەلەپ وتىرعان اتا-انالارعا كونسۋلتاتيۆتىك جانە پسيحولوگيالىق تۇرعىدا كەڭەس بەرىپ, جاردەم كورسەتكەن. سونىمەن قاتار, وسى جىلدىڭ 5 ايىندا ءدال وسىنداي 172 اتا-اناعا قول ۇشىن سوزعان.
قايىرىمدىلىق شاراسى نەگىزىندە جۇمىس جاسايتىن ونلاين قىزمەتىنىڭ باستى ماقساتى – مۇگەدەك بالا تاربيەلەپ وتىرعان وتباسىلارعا جاردەمدەسۋ, پسيحولوگيالىق تۇرعىدا دەنساۋلىعىن قالىپتاستىرۋ جانە جاڭا ورتاعا بەيىمدەۋ.
بۇگىندە اتالعان ورتالىقتىڭ بىلىكتى پسيحولوگتارى «SKYPE» باعدارلاماسى ارقىلى قىزمەت كورسەتۋدە. بۇل اتا-انالاردىڭ ۇيدەن شىقپاي-اق كاسىبي كەڭەس الۋىنا مۇمكىندىك بەرەدى. سونىمەن بىرگە ءاربىر اتا-انا كەز كەلگەن ۋاقىتتا 1411 تەگىن نومىرىنە قوڭىراۋ شالىپ, ورتالىق قىزمەتكەرلەرىنەن كەڭەس الا الادى.
تالعات رايىمبەك