[caption id="attachment_55260" align="aligncenter" width="560"] Almaty-akshamy.kz[/caption]
قايىرىمدىلىق جاساۋدى, قينالعانعا قولۇشىن سوزۋدى, كومەككە مۇقتاج جاندارعا دەمەۋ بولۋدى وزىنە پارىز سانايتىن جاندار از ەمەس. «باۋىرجان» قايىرىمدىلىق قورى وسى ماقساتتا 10 جىل قاتارىنان ۇلتتىق قوعامدىق «التىن جۇرەك» سىيلىعىن تاعايىنداپ كەلەدى. بۇل سىيلىقتى الۋعا قوعامنىڭ الەۋمەتتىك جاردەمگە مۇقتاج جاندارىنا كومەك كورسەتۋدى وزدەرىنىڭ بورىشى سانايتىن مەكەمەلەردىڭ, ۇيىمدار مەن جەكە تۇلعالاردىڭ مۇمكىندىگى بار. ونداعى ماقسات – جومارت جانداردىڭ ەڭبەگىن باعالاۋ, حالىق اتىنان العىس ايتۋ.
اتالعان قايىرىمدىلىق شاراسى بيىل دا ءوزىنىڭ ءداستۇرلى جالعاسىن تاپتى. بۇل جولعى جەڭىمپازدار «جەتىم بالالارعا كورسەتكەن قامقورلىعى ءۇشىن», «ءبىلىمدى دامىتۋعا قوسقان ۇلەسى ءۇشىن», «مۇگەدەك جاندارعا كورسەتكەن قامقورلىعى ءۇشىن», «سپورتتى دامىتىپ, ونى قولداعانى ءۇشىن», «ارداگەرلەرگە كورسەتكەن قۇرمەتى ءۇشىن», «جىل مەتسەناتى», «اقپاراتتىق قولداۋشى», «جىلدىڭ قايىرىمدى ادامى», «جىل ۇيىمى», «دەنساۋلىق ساقتاۋ سالاسىنا قولداۋ كورسەتكەنى ءۇشىن», «قازاقستاننىڭ وركەندەۋىنە قوسقان ۇلەسى ءۇشىن» سەكىلدى بىرنەشە نوميناتسيا بويىنشا انىقتالادى.
ۇلتتىق قوعامدىق «التىن جۇرەك» سىيلىعىنا قاتىسۋعا نيەتتى ازاماتتار ءوتىنىش ۇلگىسىن www.altynzhurek.kz, www.baurzhan.kz سايتىنان, سونداي-اق, gulzat.sakhova@baurzhan.kz, info@altynzhurek.kz ەلەكتروندى پوشتالارىنا حات جازۋ ارقىلى الۋعا بولادى. قۇجاتتاردى 1 دانامەن 050057, الماتى قالاسى, تيميريازەۆ ك, 71 ءۇي, 3 كەڭسە مەكەنجايىنا جىبەرۋگە بولادى. وتىنىشتەر جانە قوسىمشالار – 3 تامىز بەن 30 قىركۇيەك ارالىعىندا, ساعات 15.00-گە دەيىن قابىلدانادى.
قۇجات تاپسىرۋشىلار تولىق اقپاراتتى 8(727) 315-15-11, 274-57-49, 8 707 437 16 01 تەلەفوندارىنا حابارلاسۋ ارقىلى بىلە الادى.
«التىن جۇرەك» سىيلىعىنىڭ جەڭىمپازدارى 2016 جىلعى 27 قازان كۇنى اباي اتىنداعى مەملەكەتتىك اكادەميالىق وپەرا جانە بالەت تەاترىندا وتەتىن سالتاناتتى كەشتە انىقتالادى.
ءلايلا ەدىلقىزى