ريو-دە-جانەيرودا ءوتىپ جاتقان وليمپيالىق ويىندارداعى بوكس ءتۋرنيرىنىڭ 1/8 فينالىندا 49 كگ سالماقتاعى قازاقستاندىق ءبىرجان جاقىپوۆ ناميبيالىق ماتياس حامۋنيەلامەن كەزدەسىپ, 3:0 ەسەبىمەن ۇتتى.
شايقاس تارتىستى ءوتتى. بىراق ونىڭ ءاربىر راۋندىندا الەم چەمپيونى, تاجىريبەلى ءبىرجاننىڭ باسىمدىلىعى ايقىن ءبىلىنىپ تۇردى. مۇنىڭ الدىندا ازەربايجان رۋفات گۋسەينوۆتى جارىس جولىنان شىعارىپ تاستاعان افريكالىق بوكسشى قارا قابىلان سەكىلدى قانشاما رەت اتىلا شابۋىلعا شىققانىمەن, سوققىلارى ءدوپ تيمەي جاتتى. مۇنىڭ ەسەسىنە, قازاقستاندىق بىلعارى قولعاپ شەبەرىنىڭ دالدەگەنى جەتۋمەن بولدى.
ەندى ءبىرجان جاقىپوۆ وسىنىڭ الدىندا مەكسيكالىق يوسەليتو ۆەلاسكۋەستى 3:0 ەتىپ ۇتقان ءوزىنىڭ ەجەلگى قارسىلاسى, وزبەك حاسانبوي دۋسماتوۆپەن ۇشىراسادى. وندا جەڭگەن بوكسشى مەدالدىڭ اۋىلىنا ەنەدى.
دامير قوجامقۇل