جاعاجاي ايماعىن كورىكتەندىرۋ جوباسى شەڭبەرىندە قوستاناي قالاسىنىڭ سولتۇستىك بولىگى, توبىل وزەنىنىڭ وڭتۇستىك جاعالاۋىندا ەكى ءورت ءسوندىرۋ ءپيرسى سالىنادى.
ونىڭ ءبىرىنشىسى ءۇش ءورت ءسوندىرۋ اۆتوتسيستەرناسىنا ءبىر ۋاقىتتا سۋ جيناۋعا ەسەپتەلگەن. قىزىل جالىندى اۋىزدىقتاۋ ءۇشىن كولىكتىڭ سۋدى تەز الۋى وتە ماڭىزدى, پيرس سوندىقتان ءتيىمدى بولۋى كەرەك.
اتالعان نىساندى سالۋعا جەرگىلىكتى بيۋدجەتتەن 13 ملن. 676 مىڭ تەڭگە قاراستىرىلعان. ونىڭ قۇرىلىسى 2017 جىلدىڭ العاشقى توقسانىندا اياقتالادى دەپ جوسپارلانۋدا.
ەكىنشى ءپيرستىڭ جوباسى ەندى بەكىتىلەدى. قوستاناي وبلىستىق توتەنشە جاعدايلار دەپارتامەنتىنىڭ باستىعى ت. كاكىموۆتىڭ ايتۋىنشا, مۇنىڭ بارلىعى ءورت قاۋىپسىزدىگىن نىعايتۋ, تۇرعىنداردىڭ ءومىرىن قورعاۋ, سونىمەن قاتار, ورتتەردەن كەلگەن ماتەريالدىق شىعىنداردى ازايتۋ ءۇشىن جاسالۋدا.
ءنازيرا جارىمبەتوۆا