«Əزىرەت سۇلتان» مەملەكەتتىك تاريحي-مəدەني قورىق-مۋزەيىنىڭ قىزمەتكەرلەرى «جىلاعان اتا كەرەمەتى» تاقىرىبىندا تانىمدىق ەكسكۋرسياعا بارىپ قايتتى.
«Əزىرەت سۇلتان» مەملەكەتتىك تاريحي-مəدەني قورىق-مۋزەيىنىڭ قۇرامىنداعى ءدىني-رۋحاني ەسكەرتكىشتەردىڭ بىرەگەيى جىلاعان اتا تۇركىستان قالاسىنان سولتۇستىك-باتىسقا قاراي قاراتاۋ بوكتەرىنىڭ جارتاستى شاتقالىندا ورنالاسقان. بۇل جەرگە قاراشىق, جۇينەك, قارناق, شەرت (سەرت) ەلدى مەكەندەرى ارقىلى بارۋعا بولادى. ۇكاشا اتادان ءارى قاراي قاراتاۋ اراسىمەن بىرنەشە شاقىرىم كولىكپەن جەتكەن سوڭ شىڭ-قۇز اراسىنداعى سوقپاقپەن تاعى دا ءۇش شاقىرىم جەردى جاياۋ جۇرۋگە تۋرا كەلەدى.
مۋزەي قىزمەتكەرلەرىمەن بىرگە ساپارلاس بولىپ ولكەتانۋشى تۇركىستان قالاسىنىڭ قۇرمەتتى ازاماتى, زەينەتكەر ۇستاز تۇرعانباي سالعاراەۆ تا بارىپ, جىلاعان اتا جايلى كوپتەگەن اڭىز-اڭگىمەلەرىمەن ءبولىستى. ءتۇرلى دەرەكتەر تالقىلانىپ, پىكىر الماسۋلار بولدى.
جىلاعان اتا ورنالاسقان جەرىنىڭ اسەم تابيعاتى مەن ساف تازا اۋاسى وتە كەرەمەت, جولدىڭ قيىندىعىنان ازىرگە كەلۋشىلەر لەگى كوبەيە قويماعان. بولاشاقتا بۇل ماسەلە شەشىلگەننەن كەيىن تەك قازاقستاننان ەمەس باسقا دا ەلدەردەن كەلۋشىلەر سانى ارتادى دەگەن بولجام بار. ساپار سوڭىندا مۋزەي قىزمەتكەرلەرى ءوز ريزاشىلىقتارىن ءبىلدىرىپ, عاجاپ كەرەمەتتىلىكتى بارىنشا كورىپ, تاماشا رۋحاني دەمالىستى سەزىنىپ, تۇركىستانعا قاراي كەرى قايتتى.
ايان ءابدۋالي