[caption id="attachment_51901" align="aligncenter" width="560"] فوتو: tass.ru[/caption]
گەرمانيانىڭ ترويحتلينگەن ايماعىنان ۆيۋرتسبۋرگكە باعىت العان جولاۋشىلار پويىزىندا بالتا ۇستاعان ەر ادام 15 ادامدى جاراقاتتاعان.
«وقىس وقيعا ساعات 21:15 شاماسىندا بولعان. قولىنا بالتا مەن پىشاق ۇستاعان ەر ادامنىڭ مۇنداي ارەكەتىنە نە تۇرتكى بولعانى ازىرگە بەلگىسىز. ءبارى اياقاستىنان بولدى», – دەپ حابارلادى جەرگىلىكتى قۇقىق قورعاۋ ورگانىنىڭ قىزمەتكەرى.
ال كۇدىكتى ەشنارسە ايتپاستان پويىزدان ءتۇسىپ كەتكەن. تاسس اقپارات اگەنتتىگىنىڭ اقپارىنا سايكەس, پوليتسيا قىزمەتكەرلەرى ونىڭ قارسىلىق تانىتقانىنا بايلانىستى كوپ ۇزاتپاي ونى اتىپ ولتىرگەن.
باۆاريا جەرىندەگى ىشكى ىستەر ءمينيسترى يواحيم حەرمان ARD تەلەارناسىنا بەرگەن سۇحباتىندا جولاۋشىلارعا شابۋىل جاساعان كۇدىكتى – 17 جاستاعى اۋعانستاندىق ەكەنىن ايتتى. ال دارىگەرلەردىڭ مالىمەتى بويىنشا كەي جولاۋشىلاردىڭ جاراقاتى تىم اۋىر.
قازىرگى تاڭدا وقيعا ورنىندا تەرگەۋ جۇمىستارى ءجۇرىپ جاتىر.
ايان ءابدۋالي