[caption id="attachment_51852" align="aligncenter" width="560"] فوتو: livejournal.com[/caption]
فۋتبولدان ۋەفا چەمپيوندار ليگاسىنىڭ ەكىنشى ىرىكتەۋ كەزەڭىندە «استانا» ءوز الاڭىندا ليتۆانىڭ «جالگيريس» كومانداسىمەن كەزدەسەدى. astana.gov.kz اقپارىنا سايكەس, ماتچ كەزىندە كەيبىر كوشەلەردە كولىك قوزعالىسى جارتىلاي شەكتەلەدى.
كەشكى ساعات 18:00-دەن ماتچ اياقتالعانعا دەيىن قابانباي باتىر جانە تۇران داڭعىلدارى كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىن جابىلادى.
ءداستۇر بويىنشا جانكۇيەرلەر ءۇشىن ارنايى ترانسفەر ۇيىمداستىرىلادى. اۆتوبۋستار «قازاقستان» سپورت سارايى, ەلوردالىق تسيرك, قاجىمۇقان مۇڭايتپاسوۆ اتىنداعى ستاديون, «ازىرەت سۇلتان» جانە «نۇر-استانا» مەشىتتەرىنىڭ جانىنداعى (شىعىس جاعىنان) تۇراقتاردان جۇرەدى. جولدار ماتچ سوڭىنا دەيىن جابىق بولادى. سوندىقتان اۋەجايعا باراتىن استانالىقتارعا جانە جاقىن ماڭداعى ەلدى مەكەندەردىڭ تۇرعىندارىنا اينالىپ ءوتۋ جولدارىن الدىن الا جوسپارلاۋدى ۇسىنادى. ەڭ ىڭعايلى جول – ورىنبور كوشەسى ارقىلى ءجۇرۋ.
«ماتچتى كورۋگە شامامەن 25-30 مىڭ جانكۇيەر كەلەدى دەپ ويلايمىز. وسىعان بايلانىستى قوعامدىق ءتارتىپ پەن جول قاۋىپسىزدىگىن قامتاماسىز ەتۋ بويىنشا كەشەندى شارالار قابىلدايمىز. ەكى مىڭنان استام پوليتسيا جانە ىشكى اسكەر قىزمەتكەرلەرى جۇمىلدىرىلادى», – دەدى جەرگىلىكتى پوليتسيا قىزمەتىنىڭ باسشىسى باقىتجان مالىباەۆ.
سونىمەن قاتار, ساعات 20:30-دا «استانا ارەنا» ستاديونى ارقىلى جۇرەتىن №10, 12, 27, 40, 43, 53, 51 مارشرۋتتارى جيىلەيدى. جالپى, 100-گە جۋىق اۆتوبۋس جۇرەدى.
ايان ءابدۋالي