ءوزارا ءتيىمدى ىنتىماقتاستىققا ىقىلاس ءبىلدىرىلدى

كەشە ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ كاسپي جاعالاۋى مەملەكەتتەرى سىرتقى ىستەر مينيسترلەرىمەن كەزدەستى. پرەمەر-مينيستر بۇۇ-نىڭ قاۋىپسىزدىك كەڭەسىنىڭ تۇراقتى ەمەس ءمۇ­شەلىگىنە سايلانۋدا قازاق­ستان كانديداتۋراسىنا قولداۋ ءبىل­دىرگەندەرى ءۇشىن سىرتقى ساياسات ۆەدومستۆوسى باسشىلارىنا العىسىن جەتكىزدى. كارىم ءماسىموۆ سوڭعى جىلدارى ءبىزدىڭ ەلدەرىمىز اراسىنداعى ءوزارا ءىس-قيمىلداردىڭ ايتارلىقتاي بەلسەندى بولا تۇسكەنىن اتاپ وتە وتىرىپ, «كاسپي بەستىگى» شەڭبەرىندەگى ىقپالداستىقتىڭ جوعارى دەڭگەيىنە قاناعاتتانۋشىلىق ءبىلدىردى. كەزدەسۋگە قاتىسۋشىلار كوپ­جاقتى ارىپتەستىكتىڭ جانە كاسپي تەڭىزىنىڭ قۇقىقتىق مارتەبەسىنىڭ كوكەيكەستى ماسەلەلەرىن تالقىلادى. كاسپي تەڭىزى – ول ءبىزدىڭ ەلىمىزدىڭ دامۋىنداعى اسا ماڭىزدى ماسەلەلەردىڭ ءبىرى. كاسپي تەڭىزىنىڭ قۇقىقتىق مارتەبەسى تۋرالى كونۆەنتسيا جوباسىن قابىلداۋ ءۇشىن ءبىز ءوزارا ءتيىمدى شەشىمدەر تاباتىن بولامىز دەگەن سەنىم مول. ول بۇكىل ءوڭىر ءۇشىن العا قاراي جاسالعان ۇلكەن قادام بولماق, دەدى ك.ءماسىموۆ. كەزدەسۋ قورىتىندىسى بويىنشا تاراپتار دوستىق رايىنداعى تۇسىنىستىكتى ودان ءارى نىعايتۋعا, بۇكىل سالالاردا, سونىڭ ىشىندە كاسپي تەڭىزىن تەڭدەستىرىلگەن دارەجەدە پايدالانۋدا, كاسپيدەگى قاۋىپسىزدىكتى قامتاماسىز ەتۋدە ءوزارا ءتيىمدى ىنتىماقتاستىقتى دامىتا بەرۋگە دايىن ەكەندىكتەرىن ايعاقتادى. ەسكە سالا كەتەيىك, ازەرباي­جاننىڭ, يراننىڭ, رەسەيدىڭ جانە تۇرىك­مەنستاننىڭ سىرتقى ساياسات ۆەدوم­ستۆولارىنىڭ باسشىلارى استاناعا كاسپي تەڭىزىنىڭ قۇقىق­تىق مارتەبەسى تۋرالى كونۆەنتسيا جوباسى بويىنشا ۇستانىمداردى ءوزارا كەلىسۋ ءۇشىن كەلگەن بولاتىن. «ەگەمەن-اقپارات»