باس پروكۋراتۋرا ءتيىمدى باسەكەلەستىك بويىنشا ەلىمىزدىڭ بارلىق وبلىستارىنان جۇمىسقا جاڭا 180 قىزمەتكەر الۋعا نيەتتى. بۇل تۋرالى ۆەدومستۆونىڭ كادر جۇمىسى دەپارتامەنتىنىڭ باستىعى الەكساندر وگاي استاناداعى ءباسپاسوز-كونفەرەنتسياسىندا ءمالىم ەتتى.
بيىلعى جىلدىڭ العاشقى توقسانىندا اقمولا وبلىسىندا 300-گە تارتا قايىرىمدىلىق شاراسى وتكىزىلىپ, 200 ميلليون تەڭگە قاراجات جينالعان. بۇل تۋرالى كوكشەتاۋداعى «قوعامدىق كەلىسىم» ۇيىندە اقمولا وبلىسىنىڭ اكىمى سەرگەي كۋلاگيننىڭ قاتىسۋىمەن وتكەن قازاقستان حالقى اقمولا وبلىستىق اسسامبلەياسىنىڭ XIX سەسسياسىنىڭ وتىرىسىندا ايتىلدى.
شىعىس قازاقستان وبلىسىنىڭ زايسان اۋدانىندا تابيعي گازدى ءوندىرۋ كولەمى 6,2 پايىزعا كوبەيدى. بيىلعى قاڭتار-مامىر ايلارىندا اتالعان ايماقتاعى كاسىپورىنداردىڭ ءونىم شىعارۋ كولەمى 2530,5 ملن. تەڭگەنى قۇرادى. 2015 جىلدىڭ سايكەس كەزەڭىندە فيزيكالىق يندەكس كولەمى وڭدەۋ وندىرىسىندە 130,0 پايىزدى, تاۋ-كەن ءوندىرۋ ونەركاسىبىندە 104,9 پايىزدى قۇراعان.
ەرتىس وڭىرىندەگى «پاۆلودارتۇز» جشس وندىرىستىك قۋاتتىلىعىن 150 مىڭ تونناعا دەيىن ۇلعايتۋدى كوزدەپ وتىر. قازىرگى تاڭدا اتالعان كاسىپورىن تۇزدى ۇلكەن قالقامان كولىنەن الادى. جشس ديرەكتورى دەنيس سەمەنوۆتىڭ ايتۋىنشا, بيىل 85 مىڭ توننا تۇز ءوندىرۋ جوسپارلانعان.
سولتۇستىك قازاقستان وبلىسىندا بيىل 1,7 ملرد. تەڭگەنىڭ 2 استىق قويماسىن اشۋ جوسپارلانعان. وبلىس بويىنشا «قازاگرو» حولدينگىنىڭ ينۆەستيتسيالىق قورجىنىندا قۇنى 19,3 ملرد. تەڭگەنىڭ 54 جوباسى بار. بۇگىنگى تاڭدا ونىڭ ىشىندەگى قۇنى 17,64 ملرد. تەڭگەنىڭ 52 جوباسى پايدالانۋعا بەرىلدى.
قاراعاندى وبلىسىندا دەنساۋلىق ساقتاۋ مەن اوك سالاسىندا 6 جوبا مەملەكەتتىك قولداۋعا يە بولدى. اتالعان جوبالاردى جۇزەگە اسىرۋ ارقىلى 43 جاڭا جۇمىس ورنىن اشىپ, 120 جۇمىس ورنىن ساقتاپ قالۋعا مۇمكىندىك بار.
جايىق وزەنىنە 2,6 ملن. دانا بەكىرە تۇقىمداس بالىقتىڭ شاباقتارى جىبەرىلدى. ونىڭ ىشىندە 900 مىڭ داناسى – بەكىرە جانە 1,7 ملن. دانا – شوقىر شاباعى.
حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى, «حابار» تەلەارناسى ماتەريالدارى بويىنشا دايىندالدى