چەشەنستاننىڭ شاتوي اۋدانىندا 9 جاسار بالا تەرەڭدىگى 170 مەتر قۇزدان قۇلاپ, امان قالدى. ونى توتەنشە جاعدايلار مينيسترلىگىنىڭ قىزمەتكەرى قۇتقارىپ العان.
بولجام بويىنشا, ول تاۋدان سۋ الامىن دەپ قۇلاپ كەتۋى مۇمكىن. «ءبىر قۋانارلىعى, ول قۇلاپ بارا جاتىپ, 80 مەتر تەرەڭدىكتە بۇتاقتان ۇستاپ ۇلگەرگەن. مۇنداي جاعداي ورىن الماعاندا 90 مەتردەن كەيىن جەرگە قۇلاپ, قازا تابۋى ابدەن مۇمكىن ەدى», – دەدى رەسەيدىڭ توتەنشە جاعدايلار مينيسترلىگى چەشەنستان رەسپۋبليكاسى بويىنشا باسقارما باسشىسى رۋسلان ياحياەۆ.
– وسى ايدان باستاپ مەملەكەتتىڭ تۋريستىك اۋداندارىندا قوسىمشا قۇتقارۋشى بەكەتتەر قىزمەت ەتىپ جاتىر. سول قوسىمشا بەكەتتەن بالانىڭ تۋىسقاندارى كومەك سۇراعان. وسىدان سوڭ, وقيعا ورنىنا دەرەۋ 10 قۇتقارۋشى ءجىبەرىلىپ, الپينيستىك جابدىقتاردىڭ كومەگىمەن قۇتقارىپ الدى», – دەپ اتاپ ءوتتى رۋسلان ياحياەۆ.
قازىر بالا گروزنىي قالاسىنداعى №2 بالالار اۋرۋحاناسىندا جاتىر. ءتۇرلى دەنە جاراقاتىن العان. دەگەنمەن, دارىگەرلەر جاعدايى بىرقالىپتى ەكەنىن مالىمدەدى. ال تۋىسقاندارىمەن ارنايى پسيحولوگتار جۇمىس ىستەۋدە
ايان ءابدۋالي,
«ەگەمەن قازاقستان»