[caption id="attachment_50301" align="aligncenter" width="560"] فوتو: 24.kz[/caption]
تاياۋدا قازاقستاندىق ونىمدەر الەمگە كەڭىنەن تارالعان, تانىمال Duty Free ساۋدا جەلىسىندە ساتىلاتىن بولادى. 24.kz-ءتىڭ حابارلاۋىنشا, بۇل تۋرالى العاش بولىپ «حالىق ماركاسى» جوباسىنىڭ جەتەكشىسى ريمما تاجىباەۆا مالىمدەگەن.
وتاندىق 100 ءوندىرۋشى دۇكەنگە ءوز تاۋارلارىن اكەلگەن. ال وسى ايدىڭ سوڭىنا دەيىن تاعى 200 كومپانيا ونىمدەرىن ساۋداعا شىعارادى دەپ كۇتىلۋدە. تۇتىنۋشىلار نازارىنا 60 مىڭعا جۋىق ءتۇرلى تاۋار ۇسىنىلادى.
«Duty Free دەگەن ايگىلى كومپانيامەن ورتاق كەلىسىمگە كەلدىك. وسىنىڭ ارقاسىندا وتاندىق ونىمدەر دۇنيەجۇزىلىك ساۋدا جەلىسىنە قويىلادى», – دەدى ريمما تاجىباەۆا.
ايتا كەتەرلىگى, اتالعان جەلىدەگى ونىمدەردىڭ باعاسى وزگە دۇكەندەرمەن سالىستىرعاندا الدەقايدا تومەن. سونىمەن قاتار, كاسىپكەرلەر ساۋدا ورىندارىن جالعا المايدى.
ايان ءابدۋالي