قوستاناي وبلىسىنىڭ اكىمى ارحيمەد مۇحامبەتوۆتىڭ وكىمىمەن بىرنەشە اۋدان مەن قالا اكىمى تاعايىندالدى.
الدىمەن وبلىس ورتالىعىنىڭ ىرگەسىندەگى قوستاناي اۋدانىنا جاڭا اكىم بولىپ قايرات احمەتوۆ تاعايىندالدى. ول اكىم بولعان فەدوروۆ اۋدانىنا وسىعان دەيىن قوستاناي اۋدانىن باسقارعان ءتاۋبا يساباەۆ جىبەرىلدى. وبلىس اكىمى ارحيمەد مۇحامبەتوۆ: «قايرات احمەتوۆ فەدوروۆ اۋدانى ەكونوميكاسى مەن الەۋمەتتىك سالاسىنىڭ كوركەيۋىنە كوپ جۇمىس جاسادى. مول تاجىريبەلى اكىم وبلىستاعى ەڭ ءىرى قوستاناي اۋدانىنىڭ تىزگىنىن ۇستايدى. قوستاناي اۋدانىندا ءىرى كاسىپورىندار سالىنۋى ءتيىس, مەملەكەتتىك ءىرى باعدارلامالار جۇزەگە اسىرىلاتىن بولادى» دەدى.
مۇنان كەيىن اۋليەكول اۋدانىنىڭ اكىمى بولىپ جانسۇلتان تاۋكەنوۆ تاعايىندالدى. ول وسىعان دەيىن امانگەلدى اۋدانىن باسقارعان بولاتىن.
ال وبلىس اكىمى امانگەلدى اۋدانىنىڭ اكتيۆىنە جاڭا اكىم ەتىپ نۇرجان وتەگەنوۆتى تانىستىردى. ول بۇرىن فەدوروۆ اۋدانى اكىمىنىڭ ورىنباسارى بولىپ قىزمەت اتقاردى. ارحيمەد بەگەجان ۇلى جاڭا اكىمگە شالعاي اۋداندا شاعىن جانە ورتا بيزنەستى دامىتۋدى, تۇرعىندار اراسىندا شاعىن نەسيە تيىمدىلىگىن ءتۇسىندىرۋدى تاپسىردى.
ارقالىق قالاسىنا دا جاڭا اكىم تاعايىندالدى. بۇرىن اۋليەكول اۋدانىندا اكىم بولعان امانتاي بالعارين ەندى ارقالىق قالاسىن باسقاراتىن بولدى. ونى ارقالىقتىقتارعا تانىستىرعان ءوڭىر باسشىسى مونوقالانىڭ ەرەكشەلىگىنە قاراي, وندا ءوندىرىس ورىندارىن اشۋدى, ونىڭ اينالاسىندا مىندەتتى تۇردە شاعىن كاسىپورىنداردى دامىتۋدى تاپسىردى. سونىمەن بىرگە ارقالىق قالاسىن قىسقى مەزگىلگە دايىنداۋ بارىسى ىلعي دا نازاردا بولۋى كەرەكتىگىن ايتتى.
ءنازيرا جارىمبەتوۆا