الماتىداعى كوكەيكەستى تاقىرىپتىڭ ءبىرى – ەكولوگيا مەن تازالىق. الماتى قالاسىن دامىتۋ باعدارلاماسىنداعى باسىم باعىت تا – «تازا قورشاعان ورتا» بولىپ تۇر. وسى ماسەلەنى شەشۋگە قالالىق اكىمشىلىكتەن باستاپ قوعامدىق ۇيىمدار, الەۋمەتتىك جاۋاپكەرشىلىكتى كومپانيالار دا كىرىسىپ ءجۇر. بىراق ءالى دە ناتيجەسى كوڭىل كونشىتەرلىكتەي ەمەس.
ەندىگى جەردە «تۇراقتى ءوندىرىس جانە تۇتىنۋ ورتالىعى» «الماتى قالاسىنىڭ اۋماعىندا تازالىقتى ساقتاۋدى ناسيحاتتاۋ ءىس-شارالارىن جۇرگىزۋ» جوباسىن جاريا ەتىپ وتىر. بۇل باستاما قالانىڭ ىشكى ساياسات باسقارماسىنىڭ مەملەكەتتىك تاپسىرىسىمەن 2016 جىلعى الەۋمەتتىك ماڭىزى بار جوبالاردى ىسكە اسىرۋ اياسىندا جۇزەگە اسىرىلادى.
العا قويىلعان ماقساتتارعا جەتۋدىڭ ەڭ قىسقا جولى: تۇرمىس قالدىقتارىن جيناۋ جانە شىعارۋ تارتىپتەرىن جەتىلدىرۋ, سونىڭ ىشىندە جيناۋ ورىندارىنا قاتىستى تالاپتاردى جولعا قويۋ (قوقىس سالاتىن ساۋىتتار, كونتەينەرلەر), قوقىستى بولەكتەپ جيناۋعا جانە سۇرىپتاۋعا كەزەڭ-كەزەڭمەن اۋىسۋ تۇجىرىمداماسىن جاساقتاۋ. قالانىڭ لاستانۋىن الدىن-الۋ بويىنشا ءىس-شارالارعا ەرىكتىلەردىڭ قاتىسۋى (ەكوكۇزەتتەر).
وسى ىسكە ۇيىتقى بولىپ وتىرعاندار قالا تۇرعىندارىنىڭ دا وسى ماقساتقا مۇددەلى بولۋىنا باعىتتالعان.
سونىمەن جوبانى ۇيىمداستىرۋشىلار ءىستى العا جىلجىتۋ ءۇشىن تۇرعىنداردى دا وسى ىسكە تارتىپ, جاۋاپكەرشىلىكتى بولۋىن قالايدى. سول سياقتى كوپە-كورنەۋ تازالىق بۇزاتىنداردى جاۋاپكەرشىلىككە تارتاتىن رەيدتەر جۇرەتىندىگىن باق ارقىلى جاريالاپ, اقپاراتتار بەرۋ ويلاستىرىلعان.
ماسەلەن, ناقتى شارالار قاتارىندا «قالا قوقىسقا قارسى» تاقىرىبىندا «فۋتبولكا مەن بەيسبولكاعا ارنالعان ۇراندى ويلاپ تاپ» بايقاۋى, قالانىڭ ەكى اۋدانىن تازارتۋ بويىنشا ناۋقانى, ءتارتىپ بۇزۋشىلاردى انىقتاۋ بويىنشا دەمالىس ورىندارى مەن ساياباقتاردا, ايالداما كەشەندەرىندە رەيدتەر وتكىزۋ بار.
ونىڭ ىشىندە قۋاتى تاۋسىلعان, ىستەن شىققان باتارەيالاردى بولەك جيناۋ باستاماسى دا اسا ماڭىزدى.
ايناش ەسالي