ازاتتىق رۋحىنا اينالعان قالا

ەلوردا مەن ەلباسى – ۇلت ۇستىنى

تۋعان كۇنىڭمەن, ەڭسەسى بيىك ەلوردا! تۋعان كۇنىڭىزبەن, ەلى سۇيگەن, ەلىن سۇيگەن ەلباسى!   ەلباسى نۇرسۇلتان نازارباەۆ استانا كۇنىنە ارنال­عان سالتاناتتى قابىل­داۋعا قاتىستى, دەپ حابارلادى پرەزيدەنتتىڭ ءباسپاسوز قىزمەتى. ءىس-شاراعا پارلامەنت دەپۋتاتتارى, مەملەكەتتىك ورگانداردىڭ, ديپلوماتيالىق كورپۋستىڭ, زيالى قاۋىمنىڭ, ىسكەر توپتار مەن مادەني-اعارتۋشىلىق ورتانىڭ وكىلدەرى قاتىستى. مەملەكەت باسشىسى بيىل اس­تانا كۇنى ايرىقشا مانگە يە ەكەنىن, ويتكەنى, ەل تاۋەلسىزدىگىنىڭ 25 جىلدىعى اياسىندا تويلاناتىنىن ايتتى. – ەلوردا كەز كەلگەن ەلدە بار جاقسى نارسەنىڭ ءبارىن وزىنە شو­عىر­لاندىرا وتىرىپ, مەم­لەكەتتىڭ ناقتى ءومىرىن بەينەلەيدى. ەلوردا – ءاربىر ۇلتتىڭ ۇستىنى. قازاق­ستاندىقتار ءۇشىن استانا دا وسىنداي مەگاپوليسكە اينال­دى. جاڭا ەلوردانىڭ نەگىزىن قالاۋ وتانىمىزدىڭ تاۋەلسىزدىك تاري­حىنىڭ التىن پاراقتارى بولىپ سانالادى. استانا ءبىز ءۇشىن –  بىرىگۋدىڭ, تۇتاستىقتىڭ, حالقى­مىزدىڭ ءوز كۇشىنە, ەرەكشە ءمۇم­كىن­دىكتەرىنە دەگەن سەنىمىنىڭ رۋحتان­دىرۋشى ءرامىزى. استانا رۋحى عاسىرلىق داستۇرلەردى, دانا­لىقتى, حالىقتىڭ شىعارما­شى­لىعىن, قازاقستان حالقىنىڭ ءوت­كەنىن, قازىرگىسى مەن كەلەشەگىن ساباقتاستىرادى. ءبىزدىڭ مەم­لەكەتىمىزدە, ەكونوميكا مەن قو­عامدا تاۋەلسىزدىك جىلدارى بول­عان تۇبەگەيلى وزگەرىستەر ەلور­دا­مىز­دا ايناداعىداي كورىنىس تاپ­قان, – دەدى قازاقستان پرەزي­دەنتى. نۇرسۇلتان نازارباەۆ وسى جىل­دارى استانادا قالانىڭ ودان ءارى دامۋىنا ىقپال ەتكەن حا­لىقارالىق دەڭگەيدەگى كوپتەگەن ءىرى ءىس-شارالار وتكەنىنە توقتالدى. – استانا ەقىۇ-نىڭ جاڭا مىڭ­جىلدىقتاعى العاشقى ساممي­تىن قابىلدادى, ەكسپو دۇنيە­جۇز­ىلىك كورمەسىنىڭ 17-ءشى استاناسى اتاندى. مۇندا الەمنىڭ يسلام مەملەكەتتەرىنىڭ كوشباسشىلارى قاتىسقان كونفەرەنتسيا جانە قازاقستاندى تانىمال ەتكەن باسقا دا كوپتەگەن حالىقارالىق فورۋمدار ءوتتى. بۇل – ءبىزدىڭ استانامىزدىڭ الەمدىك قوعامداستىققا جوعارى دەڭگەيدە تانىلۋىنىڭ كورسەتكىشى. استانا بۇگىندە بولاشاققا كوز تىگەدى, قالانىڭ دامۋ قارقىنى ونى ءومىر ساپاسىنىڭ جاڭا ستان­دارتتارىنىڭ ۇلگىسىنە, بۇكىل ەۋ­رازيا ءۇشىن يننوۆاتسيالىق دامۋ­دىڭ ۋربانيزاتسيالىق مودەلىنە اي­نالدىرادى. مۇندا جاڭا ءوندى­رىستەر ىسكە قوسىلىپ, شاعىن جانە ورتا بيزنەس دامىپ جاتىر. قالا ينفراقۇرىلىمى جاقسارۋدا, جاڭا مادەنيەت جانە دەمالىس نىساندارى اشىلۋدا, – دەدى مەملەكەت باسشىسى. مەملەكەت باسشىسى اتاپ ءوت­كەندەي, ەلوردا قازىرگىدەي كۇردەلى ۋاقىتتا دا دامۋ قارقىنىن تۇسىرمەي, قالعان وڭىرلەردى قولداپ, بۇكىل قازاقستانعا سارقىلمايتىن كۇش-قۋات بەرىپ وتىر. – وسى ۋاقىت ىشىندە ۇلكەن جول­دى ارتقا تاستادىق, كوپ نارسە جاسال­دى, بىراق اتقاراتىنىمىز ءالى دە كوپ. ءبىز بۇعان دايىنبىز, ول ءۇشىن قاجەتتى مۇمكىندىكتەر مەن قۇل­شىنىس بار. استانا ءبىزدىڭ تاۋەلسىز­دىگىمىزدىڭ, دامۋدىڭ شىنايى كورىنىسىنە, ازاتتىق پەن يننو­ۆاتسيا رۋحىنا اينالدى. قازاقستاندىقتار ءۇشىن جاڭا ەلوردا, بۇل – وتانىمىزدىڭ جۇرەككە جاقىن, تارتىمدى ورتالىعى, – دەدى نۇرسۇلتان نازارباەۆ. سوڭىندا مەملەكەت باسشىسى بارشا قازاقستان حالقىن مەرەكەمەن قۇتتىقتاپ, باقىت پەن باق-بەرەكە تىلەدى.