كوكشەتاۋ. 2 ماۋسىم. اقمولا وبلىسىنىڭ ورتالىعىندا وزگە بىرەۋدىڭ جەكە كۋالىگىن ۇرلاپ كەتىپ, سول بويىنشا Kaspi Bank اكتسيونەرلىك قوعامىنان كرەديت العان 23 جاستاعى قىز سوتتالدى. بۇل تۋرالى وبلىستىق سوت ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
«كوكشەتاۋدا تانىسىنىڭ جەكە كۋالىگىن پايدالانا وتىرىپ, Kaspi Bank اكتسيونەرلىك قوعامىنان 196 389 تەڭگە تۇتىنىم كرەديتىن العان 23 جاستاعى قىز سوتتالدى», - دەلىنگەن ۆەدومستۆو حابارلاماسىندا.
الاياقتىق فاكتىسى بانك كرەديت الۋشىنىڭ زاەم تولەمەي جاتقانىن تەكسەرگەن كەزدە بەلگىلى بولىپ قالدى. جەكە كۋالىكتىڭ شىن ەگەسى كرەديت جونىندە تۇك بىلمەيتىن بولىپ شىقتى. بىراق ول كرەديت العان قىزدىڭ سۋرەتىن كورسەتكەندە, ونى بىردەن تانىدى. سويتسە, ول ءوزىنىڭ ك. دەگەن جاقىن تانىسى ەكەن.
وسىعان بايلانىستى ك. قىلمىستىق كودەكستىڭ 190-بابى, 1-تارماعى («الاياقتىق») بويىنشا ايىپتى دەپ تابىلدى. سول وعان دۇنيە-مۇلكىن تاركىلەۋ ارقىلى ءبىر جىلعا باس بوستاندىعىنان ايىرۋ جازاسىن كەستى. وعان ءبىر جىلدا 100 ساعات ماجبۇرلەپ جۇمىس ىستەتۋ كوزدەلدى.
سوت سونىمەن قاتار سوتتالۋشىنىڭ ەش جەردە جۇمىس ىستەمەيتىنىن جانە زارداپ شەگۋشىنىڭ باس بوستاندىعىنان ايىرمايتىن جازا بەلگىلەۋدى سۇراعانىن ەسكەردى.
ايتقانداي, سوتتالۋشى كرەديتكە العان اقشاسىنا ۇيگە تۇرمىستىق جابدىقتار ساتىپ العان ەكەن.
باقبەرگەن امالبەك.
دەرەك: اقمولا وبلىستىق سوتىنىڭ ءباسپاسوز قىزمەتى.