استانا. 2 ماۋسىم. بۇگىن فۋتبولدان قازاقستان پرەمەر-ليگاسى 14-تۋرىنىڭ ويىندارى وينالدى. بۇل تۋرالى egemen.kz ءتىلشىسى حابارلادى.
«قايرات» (الماتى) – «اتىراۋ» (اتىراۋ) 5:2
گولدار: باۋىرجان يسلامحان 22, 65, يساەل باربوزا 28, اندرەي ارشاۆين 45, جەرار گوۋ 84 – لۋكاش تەساك 17 (اۆتوگول), الەكساندرۋ كۋرتەيان 87.
«قايرات» وز الاڭىندا «اتىراۋدى» قابىلداپ, 5:2 ەسەبىمەن جەڭىسكە جەتتى. كەزدەسۋدىڭ 17-مينۋتىندا الماتى كومانداسىنىڭ قورعاۋشىسى لۋكاش تەساك ءوز قاقپاسىنا گول سوعىپ الدى. وسىدان كەيىن «قايرات» قايراتىنا ءمىنىپ, قاۋىپتى شابۋىلداردى ءجيى ۇيىمداستىردى. ناتيجەسىندە, اراعا بەس مينۋت سالىپ, كوماندا كاپيتانى باۋىرجان يسلامحان تارازى باسىن تەڭەستىرسە, 28-مينۋتتا يساەل باربوزا كومانداسىن العا شىعاردى. ال ءبىرىنشى تايمنىڭ سوڭىنا تامان وسى ماۋسىمدا جاڭادان قوسىلعان اندرەي ارشاۆين ەسەپتى ەسەلەي ءتۇستى. ويىننىڭ ەكىنشى جارتىسىندا باۋىرجان يسلامحان ەكىنشى گولىمەن كوزگە تۇسسە, وتكەن ماۋسىمدا پرەمەر-ليگانىڭ ءبومبارديرى اتانعان جەرار گوۋ بەسىنشى گولدى سوقتى. ال «اتىراۋ» ساپىنان جالعىز گولدىڭ اۆتورى الەكساندرۋ كۋرتەيان اتاندى.
«وقجەتپەس» (كوكشەتاۋ) – «اقجايىق» (ورال) 4:2
گولدار: سەرج باندو 10, 56, ريستو ريستوۆيچ 34, مارات حايرۋللين 43, – يۆان انتيپوۆ, قۋانىش بەگالين 81.
«تاراز» (تاراز) – «استانا» (استانا) 0:2
گولدار: دجوردجە دەسپوتوۆيچ 88, سەرىكجان مۇجىقوۆ 90.
«جەتىسۋ» (تالدىقورعان) – «اقتوبە» (اقتوبە) 1:1
گولدار: ءىلياس امىرسەيىتوۆ 73 – ساندرو تسۆەيبا 70.
«توبىل» (قوستاناي) – «ورداباسى» (شىمكەنت) 1:0
گولدار: سەرگەي حيجنيچەنكو 58.
«ەرتىس» (پاۆلودار) – «شاحتەر» (قاراعاندى) 0:0
14-تۋر ويىندارىنىڭ قورىتىندىسى بويىنشا تۋرنير كەستەسى
ۇزدىك مەرگەندەر:
جەرار گوۋ («قايرات») – 8 گول;
رومان مۇرتازاەۆ («ەرتىس») – 8 گول;
دۋشان ساۆيچ («جەتىسۋ») – 6 گول.
15-تۋر ويىندارى 11 ماۋسىم كۇنى وينالادى. اتالعان تۋرداعى قارسىلاستار رەتى تومەندەگىدەي:
11 ماۋسىم
«اقجايىق» – « تاراز»
«اقتوبە» – «توبىل»
«استانا» – «جەتىسۋ»
«اتىراۋ» – «وقجەتپەس»
«ورداباسى» – «ەرتىس»
«شاحتەر» – «قايرات».
ايان ءابدۋالي.
دەرەك: egemen.kz.
فوتو: vk.com.