كوكشەتاۋ. 31 مامىر. اقمولا وبلىسىندا مەكتەپتە وقيتىن ەكى قىز بالا قولدان قازىلعان وردا شومىلىپ ءجۇرىپ, سۋعا باتىپ كەتتى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىشلىسى حابارلادى.
«وبلىستىڭ قورعالجىڭ اۋدانىنداعى تايتوبە اۋىلىنداعى سۋ تاسقىنىنا قارسى كۇرەس ءۇشىن قازىلعان ترانشەيادا شومىلىپ جۇرگەن كامەلەتكە تولماعان ەكى قىز سۋعا باتىپ كەتتى. ولاردىڭ ءبىرى تايتوبە اۋىلىندا تۇراتىن 2002 جىلعى 8 سىنىپ وقۋشىسى بولسا, ەكىنشىسى جانتەكە اۋىلىندا تۇراتىن 2003 جىلعى 7 سىنىپ وقۋشىسى», - دەدى پوليتسەيلەر.
سۋدان الىپ شىعارىلعان ەكى قىزدا دا جان بولماعان. ولارعا زومبىلىق زارداپتارى كورسەتىلگەنى بايقالمايدى. ەندى بارلىق جايدى انىقتاۋ ءۇشىن مەديتسينالىق ساراپتاما جاسالادى.
وسىعان بايلانىستى قۇقىق قورعاۋ ورگاندارىنىڭ قىزمەتكەرلەرى وقۋشىلاردىڭ جازعى دەمالىس كۇندەرىندە بالالاردى قاراۋسىز قالدىرماۋعا شاقىرىپ جاتىر.
باقبەرگەن امالبەك.
دەرەك: اقمولا وبلىستىق ىشكى ىستەر دەپارتامەنتىنىڭ ءباسپاسوز قىزمەتى.