قوستاناي. 19 مامىر. قوستاناي-چەليابى-ەكاتەرينبۋرگ رەسپۋبليكالىق تاس جولى بويىمەن ءوتىپ بارا جاتقان تمد جانە ەۋروپا ەلدەرىنىڭ جۇك تاسۋشىلارى, تۋريستەر جانە جەرگىلىكتى جۇرگىزۋشىلەر قوستاناي پوليتسەيلەرىنە وزدەرىن تولعاندىرعان ساۋالدارىن قويىپ, جاۋاپ الدى. «جول ۇستىندەگى قابىلداۋ» اكتسياسى اياسىنداعى بۇل شارا شەكارادا ورنالاسقان قارابالىق اۋدانىندا باستالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«جول بويىنداعى قابىلداۋ» جىلجىمالى بەكەتى جۇمىسىن قوستاناي وبلىسىنداعى «رۋبەج» جۇيەسىندەگى جالعىز باقىلاۋ قوسىنىندا باستادى. ول رەسەيمەن شەكارالاس قارابالىق كەنتىنىڭ كىرە بەرىسىندە ورنالاسقان. تاڭەرتەڭنەن جۇرگىزۋشىلەر اكتسياعا بەلسەنە ارالاستى. شاراعا «نۇر وتان» پارتياسى وبلىستىق جانە اۋداندىق فيليالدارىنىڭ وكىلدەرى قاتىستى. قارابالىق اۋداندىق ىشكى ىستەر ءبولىمى جەرگىلىكتى پوليتسيا قىزمەتىنىڭ باستىعى, پودپولكوۆنيك ماعزۇم ەرجانوۆ: «شارا جۇرتشىلىقپەن ارالاسۋعا جانە جول كولىك وقيعاسىن ازايتۋعا باعىتتالعان. جىل باسىنان بەرى قارابالىق اۋدانىندا 3 جول اپاتى بولىپ, وندا 4 ادام زارداپ شەكتى», – دەدى.
جۇرگىزۋشىلەر انكەتا سۇراقتارىنا جاۋاپ بەردى. ولار وبلىستىق ينسپەكتورلار باتالونى مەن اۋداندىق پوليتسيا قىزمەتىنە ريزا. قازاقستاندىق ءتارتىپ ساقشىلارىنىڭ سۇراعىنا رەسەيدىڭ ۆسەۆولوجسك قالاسىنان كەلە جاتقان رافيك مۇسا-زادە جاۋاپ بەردى. ول وسى كەزگە دەيىن بۇرىنعى كەتسەس وداعىنا قاراعان ەلدەردىڭ بارلىعىن ارالاپ شىققان. قوستانايلىق پوليتسەيلەردىڭ كىشىپەيىلدىگى ونى ريزا ەتكەن. رەسەي نومەرىمەن كەلە جاتسا دا, ونى سەبەپسىز توقتاتپاعان. رەسەيلىك جۇرگىزۋشى «كولىكتى تەحنيكالىق تەكسەرىستەن وتكىزۋگە بولا ما؟» دەگەن ساۋال قويدى. وعان قوستانايلىق پوليتسەلەر تەحنيكالىق تەكسەرۋ تەك ءوزى تۇرعان رەسەيدە عانا ءوت كىزىلۋ كەرەكتىگىن ءتۇسىندىردى.
قازاقستاندىق جۇرگىزۋشىلەر دە قوسىمشا جول بەلگىلەرىن ورناتۋ, كولىكتى گازبەن جۇرۋگە اۋىستىرۋ سەكىلدى كوپتەگەن سۇراقتار قويدى. سونىمەن قاتار, جولدان ءوتىپ بارا جاتقان گەرمانيا, بەلورۋس, ۋكراينا, وزبەكستان ازاماتتارى دا سۇراقتارىنا جاۋاپ الدى. اكتسيا وبلىستىڭ بارلىق اۋداندارىندا دا ءوتتى. ول مىڭنان اسا جۇرگىزۋشىنى قامتىدى.
ءنازيرا جارىمبەتوۆا.
دەرەك, فوتو: قوستاناي وبلىستىق ىشكى ىستەر دەپارتامەنتى ءباسپاسوز قىزمەتى.