استانا. 19 مامىر. تۇركيانىڭ بيلەۋشى ادىلدىك جانە دامۋ پارتياسىنىڭ ليدەرى ءارى ەلدىڭ پرەمەر-ءمينيسترى بولاتىن ادامنىڭ ەسىمى جاريا ەتىلدى. بۇل تۋرالى Hürriyet اقپارىنا سۇيەنگەن egemen.kz ءتىلشىسى حابارلادى.
بۇگىن ادىلدىك جانە دامۋ پارتياسى ورتالىق كەڭەسىنىڭ وسى ماسەلە تالقىلانعان وتىرىسى ءوتتى. تالقىلاۋ بارىسىندا پارتيا باسشىسى لاۋازىمىنا كانديداتتار ۇسىنىلدى. 45 مينۋتقا سوزىلعان جيىندا دەلەگاتتار كوپشىلىك داۋىسپەن تۇركيا كولىك, كەمە شارۋاشىلىعى جانە كوممۋنيكاتسيا ءمينيسترى بينالي يىلدىرىمعا توقتالدى.
ەندى 22 مامىر كۇنى وتەتىن ادىلدىك جانە دامۋ پارتياسىنىڭ كەزەكتەن سەزىندە پارتيا توراعاسى مەن تۇركيانىڭ پرەمەر-ءمينيسترى سايلانادى.
تۇركيادا بۇل بيلەۋشى پارتيا بولىپ تابىلادى. سوندىقتان ونىڭ باسشىسى مىندەتتى تۇردە ەلدىڭ ۇكىمەتىن باسقارادى. بۇعان دەيىن پرەمەر-مينيستر بولىپ كەلە جاتقان احمەت داۆۋتوگلۋ 5 مامىردا ءوزىنىڭ وتستاۆكاعا كەتەتىنىن جاريالاعان بولاتىن.
تالعات رايىمبەك.
دەرەك, فوتو: Hürriyet.