استانا. 19 مامىر. شۆەيتساريانىڭ جەنەۆا قالاسىنداعى Sothebys اۋكتسيون ۇيىندە الەمدەگى ەڭ ءىرى قىزعىلت ءتۇستى گاۋھارتاس 31,5 ميلليون دوللارعا ساتىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
باعالى تاستى كىمنىڭ ساتىپ العانى ازىرگە بەلگىسىز. گاۋھارتاستى العاشىندا 28-38 ميلليون دوللاردىڭ ارالىعىندا ساتىلۋى مۇمكىن دەگەن بولجام جاساعان. ال مالىمەتتەر بويىنشا قىزعىلت تاس وڭتۇستىك افريكاداعى كەن ورنىنان تابىلعان.
«بۇل الەمدىك جاڭا رەكورد بولىپ سانالادى. قىزعىلت گاۋھار ءۇشىن ءىرى كولەمدى اقشانى ەشكىم ۇسىنباعان. ساتىپ الۋشىنىڭ قولىنا وتە سيرەك كەزدەسەتىن تاستاردىڭ ءبىرى ءتيدى», – دەيدى اۋكتسيون ءۇيىنىڭ توراعاسى دەۆيد بەننەت.
ايان ءابدۋالي.
دەرەك, فوتو: 24.kz.