استانا. 19 مامىر. بانگلادەشتە ەكى كۇن ىشىندە نايزاعاي ءتۇسىپ, 81 ادام قازا تاپتى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
بۇل ەلدە ءبىر اپتا بويى بولعان اپتاپ ىستىقتان كۇن كۇركىرەپ, جاڭبىر جاۋعان.
«ەكى كۇن ىشىندە وسىنشا ادامنىڭ وپات بولۋى بانگلادەشتە عانا ەمەس, بۇكىل الەمدە سيرەك كەزدەسەتىن جاعداي. ەلىمىزدە سوڭعى جىلدارى كليماتتىڭ وزگەرۋىنە بايلانىستى نايزاعاي ءجيى تۇسەتىن بولدى», – دەيدى بانگلادەشتىڭ توتەنشە جاعدايلار ءمينيسترى موفاززال حوسسەين چوۋدحۋري مايا.
رەسمي مالىمەتتەر بويىنشا, قازا تاپقانداردىڭ باسىم بولىگى مەملەكەتتىڭ ورتالىعى مەن سولتۇستىگىندەگى ەلدى مەكەندەردىڭ تۇرعىندارى. وتكەن جىلى بۇل ايماقتاردا جاي ءتۇسىپ, 17 ادام قازا تاپقان.
ايان ءابدۋالي.
دەرەك, فوتو: Inform.kz.