اتىراۋ. 19 مامىر. اتىراۋ قالالىق №2 سوتىنىڭ ۇكىمىمەن وبلىستىق مەملەكەتتىك ەڭبەك ينسپەكتسياسى باسشىسىنىڭ بۇرىنعى ورىنباسارى الىپقالي داۋلەتياروۆقا 11 ملن. تەڭگە كولەمىندە ايىپپۇل سالۋ جازاسى تاعايىندالدى. بۇل تۋرالى وبلىستىق سوتتىڭ ءباسپاسوز قىمەتىنە سىلتەمە جاساعان egemen.kz ءتىلشىسى حابارلادى.
«اتىراۋ وبلىستىق سىبايلاس جەمقورلىققا قارسى قىزمەت دەپارتامەنتىنىڭ جەدەل-تەرگەۋ توبىمەن الىپقالي داۋلەتياروۆ «ءبىلىم ارناسى» جاۋاپكەرشىلىگى شەكتەۋلى سەرىكتەستىگىنىڭ ديرەكتورىنان قاۋىپسىزدىك جانە ەڭبەكتى قورعاۋ ماسەلەلەرى بويىنشا ەمتيحاننىڭ قۇجاتتارىنا قول قويۋ ءۇشىن پارا الۋ ۇستىندە اشكەرەلەنگەن. اتىراۋ قالالىق №2 سوتىنىڭ ۇكىمىمەن الىپقالي داۋلەتياروۆ قىلمىستىق كودەكتنىڭ 366-بابىنىڭ 2-بولىگىمەن كىنالى دەپ تانىلىپ, ونىڭ قىلمىستىق جولمەن تابىلعان قاراجاتقا ساتىپ العان مۇلكى مەملەكەتتىڭ مەنشىگىنە تاركىلەندى. مەملەكەتتىك قىزمەت سالاسىندا لاۋازىمداردى اتقارۋ قۇقىعىنان ءومىر بويىنا ايىرا وتىرىپ, پارانىڭ 40 ەسەلەنگەن سوماسى مولشەرىندە – 11 ملن. تەڭگە ايىپپۇل سالۋ جازاسى تاعايىندالدى» دەپ حابارلادى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ.
جولداسبەك شوپەعۇل.
دەرەك: اتىراۋ وبلىستىق سوتىنىڭ ءباسپاسوز قىزمەتى.
فوتو: today.kz.