ەلوردا • 27 ناۋرىز, 2023
ۇلىستىڭ ۇلى كۇنى – ناۋرىز مەيرامىندا استاناداعى كۇيشىلەر اللەياسىندا «دومبىرا» ەسكەرتكىشى اشىلدى. ەلورداداعى دينا نۇرپەيىسوۆا تاس تۇعىرعا كوتەرىلگەن كۇيشىلەر اللەياسىندا تويلانعان ناۋرىز تويى وسىنداي يگىلىككە ۇلاستى.
قازاقستان • 16 ناۋرىز, 2023
بالالارعا ارنالعان الەمدەگى ەڭ بەدەلدى ويىن-ساۋىق برەندىنىڭ ءبىرى Nickelodeon جىل سايىنعى Kids Choice Awards پرەمياسىنىڭ جەڭىمپازدارىن جاريالادى. اراسىندا 12 جاستاعى ءامينا مالعاجدار دا بار.
پوەزيا • 15 ناۋرىز, 2023
بۇل ولەڭدى سوناۋ جىلدارى اتتىڭ جالىندا, تۇيەنىڭ قومىندا دەگەندەي جاعدايدا ءبىر-اق رەت وقىعانبىز. سودان ەستە قالىپتى. اسەرى دە تارقاي قويماپتى. اۋەنى مەن سيقىرلى سازى ارباسا كەرەك. اندا-ساندا اقىن جىرلارىن وقىعاندا وسى ولەڭىن تاۋىپ وقيتىن ادەتىمىز بار. ايتەۋىر «الىستان سەرمەپ, جۇرەكتەن تەربەيتىن» ءبىر عالاماتى بار شىعارما. مۇمكىن ايسىز قاراڭعى ءتۇنى تەڭىز جاعالاپ كەلە جاتقاندا عايىپتان اپپاق ساۋلە توگىلىپ, ايدىن مەن اسپان اراسىنداعى بار عاجايىپقا كوز سۋارىپ ۇلگەرگەن بويدا الگى جارىق جوعالىپ ۇلگەرگەندەي اسەر. قاس قاعىم. بىراق سول قاس قاعىم بۇعان دەيىن سەزىپ-بىلمەگەنىڭدى كوز الدىڭا قۇنداقتاپ, كوكەيىڭە ورناتىپ جوق بولىپ كەتسە... نەسى بار, وندايدى ءومىرى كورمەي وتەتىندەر دە بار ەمەس پە؟ عاجابى, ءداۋىتالى ستامبەكوۆتىڭ بۇل ولەڭى ءبىرىنشى سىنىپتى بىتىرگەن جىلى بالقاش كولىنە كەتىپ قالعان بالاسى تۋرالى بولسا دا, قايعى-قاسىرەت كۇيىنەن بولەك باسقاشا اسەرگە بولەيدى.
رۋحانيات • 07 ناۋرىز, 2023
ءبىزدىڭ اتا-بابالارىمىزدىڭ مىڭجىلدىق تاريحىندا انالارعا دەگەن قۇرمەت بالبال تاستارداعى مۇسىندەردەن دە كورىنەتىن شىعار. ۇلى دالا توسىندەگى تاس مۇسىندەر, بالبال تاسقا اينالعان ءازىز انالار قاسىن كەرىپ, ەرىنىڭ قاسىندا كەڭ دالاسىن ءالى كۇنگە كۇزەتىپ تۇرعانداي. تۇركىلەر مادەنيەتىنە جاتاتىن تاڭعاجايىپ ەسكەرتكىشتەردىڭ تىلسىمى, قۇپيالى كۇرسىنىسى جانىڭدى باۋراماي قويمايدى. ەرىكسىز اينالىپ كەلىپ قايتا قارايسىڭ.
ادەبيەت • 05 ناۋرىز, 2023
ناۋرىزدىڭ 5 جۇلدىزى ۇلت كوسەمى, الاش ارىسى ءاليحان نۇرمۇحامەد ۇلى تۋعانى, بالەن جىل وتكەندە ءستاليننىڭ ءدال وسى كۇنى ولگەنى تاريحي فاكت. ال كەزىندە قاراعاندىداعى وكتيابر اۋدانى ءاليحان بوكەيحان ەسىمىنە رەسمي بەرىلگەن 13 جەلتوقسان – دۇنيەگە الاشوردا ۇكىمەتى كەلگەن كۇن. مۇنى سول كەزدەگى بيلىك باسىنداعىلار ءبىلىپ-بىلمەي ىستەگەنىنەن حابارىمىز جوق. الايدا كەشە, 5 ناۋرىز – الاش ارىسى تۋعان كۇنى استاناداعى مۋزىكالىق جاس كورەرمەندەر تەاترىندا كورەرمەندەرگە جول تارتقان ء«اليحان بوكەيحان – ۇلت ازاتتىق كۇرەسكەرى» دەرەكتى ءفيلمى ءبىز ءۇشىن جاڭالىق بولدى.
ونەر • 23 اقپان, 2023
قازاق مۋزىكاسى, اسىرەسە كۇي ونەرىنە جاڭاشا كوزقاراس, بايىپتاۋ كەرەك پە ەكەن الدە؟ بۇل ءسوز بۇعان دەيىن دە تالاي رەت ايتىلىپ, جازىلعان. مۇمكىن العاشقى قادامدار جاسالىپ جاتقان دا شىعار, كىم بىلەدى... الايدا ءبىز كۇي تىڭداپ, ول تۋرالى ادەبيەتتەردى وقىعان سايىن الگىندەي ويعا ات شالدىرامىز. «وندا ءبىر سۇمدىق سىر بار ەستىلمەگەن...» (م.ماقاتاەۆ) دەگەن كەرەمەتكە ورانامىز دا قالامىز. بۇل ويىمىزدى ادەبيەتتەگى نەبىر عاجاپ قيسىندار ورنىقتىرا تۇسەدى. قىزىعۋشىلىعىمىزدى ارتتىرادى.
قازاقستان • 19 اقپان, 2023
دالامىزعا كىتاپ بولىپ بريۋسسەلدەن جەتكەن وسى جاڭالىق كىمدى بولسىن بەيجاي قالدىرمايدى. بۇل تاريحي, گەوگرافيالىق, تاعى دا باسقا عىلىمي ءمانى ءوز الدىنا, ۇلكەن ساياسي مانگە دە يە.
ادەبيەت • 15 اقپان, 2023
بابى كەلگەن كەمەل تۋىندىلار بولادى. اسقان بىلگىرلىكپەن, تالعامپازدىقپەن قالىپتالعانى ءوز الدىنا, بايىپتاپ, جەتى رەت ولشەپ, ءبىر رەت كەسكەن ادام ەمەس, قۇدىرەت دەرسىز. تاڭداپ العان تاقىرىبىنىڭ ءيىن قاندىرىپ, سۋىن سىعىپ, ءسولى مەن ءنارىن اكەپ قۇيا سالادى كەۋدەڭە. بايىپتاپ ۇلگەرمەي دە قالاسىز. سەبەبى باستاعان بويدا ءبىر دەممەن وقىپ شىعاسىز دا, قۇمارىڭ قانباي قايتا پاراقتاپ, ۇڭعىل-شۇڭعىلىن تاعى ءبىر مارتە ءسۇزىپ شىعاسىڭ. اسىرەسە تاكەن الىمقۇلدىڭ «كوك قارشىعا» اڭگىمەسىن وقىعاندا الگىندەي اسەر الدىق. جالپى تاكەننىڭ ءان-كۇيى تۋرالى اڭگىمە, پوۆەستەرى – اتاپ ايتارلىق سوقتالى دۇنيەلەر.
ادەبيەت • 14 اقپان, 2023
ادامزاتتىڭ التىن بەسىگى التاي, بالكىم, التىن تاۋ, قالاي اتاسا دا جاراسادى. ساق, عۇن, تۇرىكتەن قازاق شىققان اتاجۇرتىمىزدىڭ قويىن-قونىشى بۇگىندە يەن جاتقانىن بىلەمىز. ونداعى بوكەنباي تاۋى, اقسوڭكە سايى, قىرانجارتاس ۇڭگىرى, بىلعارى تابىت وباسى مەن ازۋتاۋ شىڭى, مارقاكولدى, قالجىر مەن شۇمەك وزەندەرىن استانادا وتىرىپ قالاي تانىدىق؟ جازۋشى اسقار التايدىڭ «بىلعارى تابىت» رومانىنان ۇشىراتتىق. جەردىڭ جايى ءوز الدىنا, سول توپىراققا قونىستانعان جۇرت, ولارمەن استانالىقتاردىڭ قاتىناسى ارقىلى ءوزىن تانۋدان قالعان قايران قازاقتىڭ بۇگىنى مەن بولاشاعىن باعامدايسىز. قايران دەگەن ءسوزدىڭ سوڭىندا وكىنىش بار...
ادەبيەت • 06 اقپان, 2023
باتىرلار, بالۋاندار, كۇرەسكەرلەر عانا ۇستاپ تۇرا ما ۇلتتىڭ رۋحىن؟ ولار حالىقتىڭ رۋحىن كوتەرەتىنىنە داۋ جوق, ارينە. ال نەگىزگى رۋحتىڭ التىن جۇلگەسىن ۇستاپ, ۇرپاقتان ۇرپاققا جەتكىزۋشى – اقىندار ءھام باسقا دا ءسوز يەلەرى. باتىرلار جىرىنان باستاپ, جىراۋلار پوەزياسىنان بۇگىنگە دەيىن كوشكەن ۇلت بولمىسىنىڭ مايەگى باياعىدا ۇمىتىلىپ كەتكەن نەمەسە تاريحتا اتى قالعان اقىن جىرلارىندا تۇرادى. توپىراعىنا بىتكەن جۋسانداي, تاناۋىڭا اپارساڭ قىشقىلتىم ءيىسى ۇيقىسىراعان اقىل-ەسىڭدى وياتپاسا, دالادا وسكەن قازاق جىر ەكەن دەمەيدى. يران-عايىپ, يرانبەك ورازباەۆتىڭ كەيبىر تۋىندىلارىنداي شامىرقانىپ, ىتىرىنىپ تۇرماسا.
