ەگەمەن قازاقستان • 13 جەلتوقسان, 2024
گازەت تويى قارساڭىندا نە نارسەگە ءمان بەرمەدىك. زەردەلى وقىرماندار وزدەرى-اق حابارلاسىپ, باس باسىلىم تۋرالى جازىپ جىبەرىپ جاتىر. بۇرىنعى باسشىلاردىڭ جولداپ جاتقان جازبالارى ءوز الدىنا. باسىلىمنىڭ ارعى-بەرگى ءومىرى, اتقارعان قىزمەتتەرى, اۋەلى گازەت بەتىندە كورىنىپ بارىپ شەشىمىن تاپقان ماسەلەلەردى حاتقا ءتۇسىرىپ جىبەرگەن جاناشىر ەلدىڭ لەبىزىن وقىعاندا, ارينە, ۇجىمداعىلاردىڭ مەرەيى ءوسىپ قالادى. «تويدىڭ بولعانىنان بولادىسى قىزىق» دەگەندەي, ءبارى-ءبارى قامتىلىپ جاتقان سياقتى. ءتۇپسانانىڭ تۇسباعدارىن ءبىر سىلكىپ قاراساق, ءبارى جازىلىپ جاتقانداي كورىنگەنىمەن, گازەت ءوندىرىسى, «Egemen Qazaqstan»-نىڭ بۇگىنگى تىنىس-تىرشىلىگىن, بەينەلەپ ايتقاندا, ءسىز كورمەگەن «وت پەن سۋدىڭ» ورتاسىن ۇمىتىپ بارادى ەكەنبىز-اۋ دەستىك.
