«اۋىل» ەلباسى توڭىرەگىندەگى تۇگەلدىككە شاقىرادى

قازاقستاننىڭ «اۋىل» سوتسيال-دەموكراتيالىق پارتياسىنىڭ سەركەلەرى «التاۋ الا بولسا – اۋىز­داعى كەتەدى, تورتەۋ تۇگەل بولسا – توبەدەگى كەلەدى» دەگەن حالىق دانالىعىنا جۇگىنە وتىرىپ, ەلدى جاڭارتۋدىڭ اۋقىمدى باعدارل­ا­ماسىن جۇزەگە اسىرۋ ماقساتىندا قوعامنىڭ پاراساتتى كۇشتەرىنىڭ ءبىرتۇتاس كواليتسياسىن قۇرۋ يدەيا­سىن قولدايتىندارىن ءبىلدىردى. بۇل تۋرالى پارتيانىڭ ساياسي كە­ڭەسىنىڭ كەڭەيتىلگەن وتىرىسىندا ءمالىم ەتىلىپ, تۇڭعىش پرەزيدەنت نۇرسۇلتان نازارباەۆتىڭ وكىلەت­تىگىن ۇزارتۋ جونىندە رەفەرەندۋم وتكىزۋ باستاماسى ءبىراۋىزدان قول­داۋ تاپتى. پارتيانىڭ ايماقتىق ۇيلەستى­رۋ­شىلەرى, رەسپۋبليكا جۇرتشىلى­عىنىڭ وكىلدەرى قاتىسقان كەزدەسۋدە پارتيانىڭ «نۇر وتان» حدپ باستاماشى بولىپ قۇرىلعان «قا­زاقستان-2020» جالپىۇلتتىق دە­مو­كراتيالىق كۇشتەر كواليتسيا­سىنا كىرەتىنى تۋرالى جاريالاندى. پارتيا توراعاسى عاني قاليەۆ جانە باسقالار ەلدى دامىتۋ سترا­تەگياسىنىڭ ءساتتى ىسكە اساتىن­دىعىنا سەنىمدىلىك تۇرعىسىنان ءسوي­لەدى. ەلدىڭ كەلەشەگى, ەڭ ال­دىمەن, ەلباسىمەن تىكەلەي بايلا­نىستى. سەبەبى, ۇلت كوشباسشىسى جاڭا ستراتەگيالىق باعىتتىڭ يدەيا­لىق دەم بەرۋشىسى عانا ەمەس, سونىمەن بىرگە مەملەكەت تۇراق­تى­لىعىنىڭ كەپىلى بولىپ تابىلادى. ەل تاريحىنىڭ وسى زامانعى بۇكىل جاڭا تاريحى نۇرسۇلتان نازار­باەۆتىڭ ەسىمىمەن اجىراماس بىرلىكتە. كەزدەسۋدە بۇگىن تاڭدا ءبىز­دىڭ رەسپۋبليكادا ونىمەن سالىس­تىرارلىق ساياساتكەر, تەڭدەسەرلىك تۇلعا جوق ەكەندىگى اتاپ ايتىلدى. سوندىقتان, بۇكىل حالىق مەملە­كەتتىڭ الدىندا تۇرعان جانە قا­زاقستاندىقتاردىڭ ءال-اۋقاتىن كو­تە­رىپ, ءومىر ءسۇرۋ ساپاسىن جاقسار­تۋعا باعىتتالعان ماڭىزدى مىندەتتەردى شەشۋ ءۇشىن ءوز ەلبا­سىنىڭ توڭىرەگىندە توپتاسۋى ءتيىس. وتىرىستا قابىلدانعان ءمالىم­دەمەدە «اۋىل» پارتياسى بارلىق ساياسي جانە قوعامدىق كۇشتەردى رەفەرەندۋم وتكىزۋ جونىندەگى باستاما توڭىرەگىندە بىرىگۋگە, ءسويتىپ, ءوز پرەزيدەنتىنە قازاقستان حال­قىنىڭ توپتاسقان قولداۋىن پاش ەتۋگە شاقىردى. پارتيا ناق وس­ىنداي ۇندەۋدى قوعامنىڭ تۇراق­تىلىعى, وركەندەۋى ءھام جاڭا­لانۋى,  بەرەكە-بىرلىگى مەن تاتۋ­لىعى جاندارىنا جاقىن وتانداس­تاردىڭ بارلىعىنا ارنادى. قۇجاتتا ايشىقتالىپ ايتىل­عانداي, مەملەكەت باسشىسىنىڭ وكىلەتتىگىن ۇزارتۋ ارقىلى ءبىز ءوز قوعامىمىزدى نىعايتا تۇسەمىز, حالىقتىڭ ءومىرىن گۇلدەندىرەمىز, جاس ۇرپاق الدىنان جاڭا دا جار­قىن كەلەشەك اشامىز. سون­داي-اق, «اۋىل» پارتياسىنىڭ ساياسي كە­ڭەسى بارلىق قازاقستاندىقتاردى پرەزيدەنت نۇرسۇلتان نازارباەۆ­تىڭ وكىلەتتىگىن 2020 جىلعا دەيىن ۇزارتۋ جونىندەگى پارلامەنت شەشىمىن دە قولداۋعا شاقىردى. قورعانبەك امانجول.