Mercedes-Benz اقاۋى بار 6 مىڭ كولىكتى كەرى قايتاردى

استانا. 30 ناۋرىز. رەسەيدە ايگىلى Mercedes-Benz اۆتوكومپانياسى اقاۋى بار 6 مىڭ 828 كولىكتى كەرى شاقىردى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. كومپانيا 2006 جىلدىڭ ناۋرىزىنان 2009 جىلدىڭ قاراشا ارالىعىندا شىققان C جانە GLK ۇلگىسىندەگى كولىكتەردىڭ قاۋىپسىزدىك جۇيەسىندە كەمشىلىك بار دەگەن قورىتىندىعا كەلدى. «كولىك يەلەرىنە شاقىرتۋ جىبەرگەنىمىزدىڭ بىردەن ءبىر سەبەبى, SRS باسقارۋ بلوگىنان اقاۋ تابىلدى. مۇنىڭ سوڭى SRS-ءتىڭ جۇيەسىز جۇمىس ىستەۋىنە الىپ كەلەدى», – دەپ اۆتوكونتسەرن باسشىلىعى مالىمدەدى. ايتا كەتەيىك, وتكەن ايدا Toyota كومپانياسى جاپونياعا تاراعان 2,87 ميلليون كولىكتى قاۋىپسىزدىك بەلدىگىنىڭ دۇرىس ورناتىلماعانىنا بايلانىستى كەرى شاقىرعان. ال زاڭسىز قۇرىلعى ورناتقانىنا بايلانىستى Volkswagen كونتسەرنىنە ەۋروپانىڭ جانە ازيانىڭ بىرنەشە ەلدەرى ءىرى كولەمدى ايىپپۇل سالدى. سونداي-اق, اقش-تىڭ نيۋ-مەكسيكو شتاتىنىڭ باسشىلىعى كومپانيانىڭ بۇل ءىسىن سوتقا بەرگەن بولاتىن. ايان ءابدۋالي. دەرەك: تاسس. سۋرەت: mercedes-benz.md.