«اتوم» جوباسى اياسىنداعى شارا

«اتوم» جوباسى – ءبىراز جىلدان بەرى جۇزەگە اسىرىلىپ كەلە جاتقان جاھاندىق يادرولىق قارۋسىزدانۋعا قول جەتكىزۋدىڭ ءىس-ارەكەتتەرى مەن ۇستانىمىنىڭ ءداستۇرىن جالعاستىرعان پرەزيدەنت نازارباەۆتىڭ الەمدىك دەڭگەيدەگى ماڭىزدى باستاماسى ەكەنىن اتاپ ايتقان ءجون. جاقىندا ەلباسىنىڭ باستا­ما­سىنا قولداۋ كورسەتۋ ماق­ساتىندا اباي كىتاپحاناسىندا جيىن ءوتتى. شاراعا «نەۆادا-سە­مەي» يادرولىق جارىلىسقا قار­سى قوزعالىسىنىڭ مۇشە­لەرى, زيالى قاۋىم وكىلدەرى مەن قازاقستان حالقى اسسام­بلەياسىنىڭ وكىلدەرى قاتىس­تى. شارا بارىسىندا «كازاح­س­تانسكي پۋت ك بەزيادەرنومۋ ميرۋ» دەپ اتالاتىن كىتاپتىڭ تۇساۋكەسەرى ءوتتى. كىتاپ جازۋ­دىڭ يدەياسى نازارباەۆ زياتكەر­لىك مەكتەبىنىڭ ۇستازى اسحات جۇمابەكوۆكە تيەسىلى, ول ءوز وقۋشىلارىمەن قازاقستاننىڭ سەمەيدەن باسقا دا ايماقتارىنا بارىپ, فيزيكالىق قۇرالداردىڭ كومەگىمەن جەر, سۋ, اۋانىڭ قۇ­رامىنداعى رادياتسيا مولشەرىن زەرتتەۋگە كىرىسكەن بولاتىن. «اتوم» جوباسى ارقىلى ولار سەمەي وڭىرىندەگى پو­لي­گوننىڭ رادياتسيالىق فونى قالىپتى جاعدايدا ەكەنىن دالەل­دەپ, باسقا ايماقتاردان ەشقان­داي دا ايىرماشىلىعى جوق دەگەن توقتامعا كەلگەن ەكەن, وسى تۋرالى كىتاپتا جاقسى بايان­دالعان. كىتاپتىڭ ءبىرىنشى ءبولى­مى سەمەي پوليگونىنىڭ جابى­لۋى مەن قازاقستاننىڭ الەمدەگى ءتورتىنشى يادرولىق-زىمىراندىق نىساننان باس تارتقاندىعى جايلى ايتىلعان. كىتاپتىڭ ءسۇيىنشى داناسى LAP LAMBERT Academic Publi­shing باسپاسىندا (گەرما­نيا) جارىق كورگەن. كىتاپ­تىڭ ەكىنشى اۆتورى – «نەۆا­دا-سەمەي» حالىقارالىق انتي­ياد­رولىق قوزعالىسىنىڭ ۆيتسە-پرە­زيدەنتى, «قۇرمەت» وردەنىنىڭ يەگەرى سۇلتان كارتوەۆ. جيىن­عا قاتىسۋشىلار سەمەي پولي­گو­نىنىڭ جابىلۋى مەن ەل تاۋەل­سىزدىگىنىڭ 25 جىلدىعىنا بيىل ءوز مانىندە اتاپ ءوتۋ كەرەك دەگەن ءبىراۋىزدى ۇيعارىمعا كەلدى. راۋشان نۇعمانبەكوۆا. سەمەي.