اۋعانستاندا لاڭكەستەردىڭ شابۋىلىنان 11 ادام قازا تاپتى

استانا. 27 اقپان. اۋعانستاننىڭ كۋنار پروۆينتسياسىنا قاراستى اساداباد قالاسىندا جارىلىستىڭ سالدارىنان 11 ادام قازا تاۋىپ, 40 ادام ءتۇرلى جاراقات الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وسىعان دەيىن 10 ادامنىڭ مەرت بولىپ, 15 ادام زارداپ شەككەنى تۋرالى اقپارات تاراعان. جارىلىس پروۆينتسيا گۋبەرناتورىنىڭ ۇيىنە جاقىن ماڭايدا بولدى. اۋعانستاندا سوڭعى كەزدەرى جاعداي كۇرت ناشارلاپ كەتتى. جەرگىلىكتى لاڭكەستەر ۇيىمى ەلدىڭ بىرنەشە ەلدى-مەكەندەرىن باسىپ العاننان كەيىن ۇلكەن قالالارعا شابۋىلداي باستادى. بىرىككەن ۇلتتار ۇيىمىنىڭ مالىمەتتەرىنە سۇيەنەر بولساق, 2015 جىلى جەرگىلىكتى ءتارتىپ ساقشىلارى مەن لاڭكەستەر ۇيىمى اراسىنداعى قاقتىعىس كەزىندە 3,5 مىڭنان استام بەيبىت تۇرعىن قازا تاپقان. سونداي-اق, 7,5 مىڭ ادام زارداپ شەككەن. بيىل ايەلدەر مەن بالالار اراسىنداعى ءولىم كوبەيىپ بارادى. قاقتىعىس كەزىندە مەرت بولعاندار كورسەتكىشى بويىنشا, ولار 10 پايىزدى قۇرايدى. ايان ءابدۋالي. دەرەك: ريا «نوۆوستي». سۋرەت: freerepublic.com.